Situasaun Covid-19, PNTL Husu Joven Tenke Hakmatek
Naunil Media (Díli), Portavóz Komandu Jerál Polísia Nasionnál Timor-Leste (PNTL), Superintendente xefe Polísia, Arnaldo de Araújo husu juventude tenke hakmatek iha fatin, tanba Timor-Leste (TL) sei iha hela situasaun Covid-19 no kumpri rega distansia sosiál.
“Resolusaun Governiu no 32/2021/ 9 /abril ita iha hela situasaun Covid-19. ho ida ne’e komandu jerál PNTL husu ba komunidade ho Juventude sira atu hakmatek no kalma iha ida-idak nia fatin, haree ba situasaun agora dadauk ita iha hela situasaun klamidade no covid-19. Ita hotu atu kumpri nafatin distansia sosial ka halibur malu tenki uja maskara”,dehan Komandu Jerál PNTL, Superintendente xefe Polísia, Arnaldo de Araújo ba jornalista sira liuhusi komunikadu imprensa iha komandu munisipiu Díli Kaikoli, tersa (13/04).
Alende ne’e Arnaldo hateten, situasaun agora dadaun ne’e iha Vera Kruz husik nain ulun boot sira maka buka dalan hodi rejolve.
Ikus nia apela, ba komunidade tomak, atu servisu hamutuk ho seguransa hodi kria estabilidade iha nasaun ida ne’e. Ipe
