Covid-19, José: Líder Ukun Na’in sira La Konsidera Povu nia Terus
Naunil Media (Díli), Diretór ezekutivu Asia Justice And Rights (AJAR), José Luis de Oliveira informa, líder ukun na’in sira la konsidera povu nian terus durante iha situasauun Covid-19 ne’ebé fó impaktu tebes ba povu.
Tuir Diretor Ezekutivu AJAR José Luis de Oliveira líder formal sira ladun preokupa ho povu sira nia terus iha momentu situassaun difisil ida Covid-19 nian laran.
“Ha’u sente triste oituan tanba ita-nia lider formal sira ladun preokupa povu nia terus tantu husi Prezidenti repúblika, primeiru Ministru, deputadu sira-nia prezensa durante ne’e sira ladun preokupa povu nia terus no nia situasaun”, dehan diretor ezekutivu José ba Naunil Media, iha edifísiu AJAR, Farol, segunda (12/04).
José hatuan, la iha ema ruma hanoin konaba Covid-19 hanesa ema akuza ita HOAX buat balu ne’ebé mak hetan preokupasaun no tau atensaun maibé líder formal sira atu tau atensaun ne’e la akontese.
Alende ne’e josé dehan, Xanana nia prezensa iha resintu Izolamentu Vera Cruz ne’e tanba nia uza nia autoridade nu’udar líder Karismatiku karik ida ne’e, maka povu sei fiar hodi hato’o sira nia preokupasaun kona-ba buat balun la’o la los iha situassaun covid-19 nian.
“Xanana lori nia autoridade lider karismatiku no kairsama mak povu sei fiar hodi hato’o sira-nia preokupasaun kona-ba buat balun ne’ebé ita haree la’o la los. Iha situasaun ida ne’e, buat ida covid-19 ne’e mós ita hare liu husi sira-nia pratika ne’e implementasaun ne’e mosu duvidas barak tamba ita haree ambulansia ba naran foti ema de’it”. tenik nia
Nia preokupa, ba pesola saúde sira foti ema dehan covid-19 maibé realidade sira halo tratamentu la los no agora moras seluk la tau ona atensaun adekuadu.
Iha sikun seluk Diretór ezekutivu Asosiasaun HAK, Xisto da Costa haktuir, konsidera membru Parlamentu Nasionál (PN) ‘traidór’ ba nia membru Votantes sira iha tempu dezastre naturais povu reisija sira la besik povu.
“Parlamentu Nasionál ne’e oportunista ka puru no traidor, tanba iha tempu ne’ebé maka povu sira presiza sira-nia apoiu maibé sira la tun, sira ba iha ne’ebé ? hahú husi partidu A to’o B sira la halo buat ida” , Xisto hato’o.
Nia dehan, dezastre naturál iha semana rua nia laran, membru Governu la halo buat ida, tamba ne’e mak HAK konsidera Membru Governu traisaun ba nia votantes sira.
“Semana rua nia laran sira la halo buat ida, sira halo saida?, ema mak hili sira ba iha ne’ebá, maibé sira la halo buat ida, sorte ema sira ne’ebé tein hahan husi poska Dilisius no Haburas mak tein. Sé semana ida la tein karik ema sira hamlaha no hamante ema, Deputadu sira halo saida? nee ita bolu sira Deputadu Puru no traidór”, tenik nia.
Nia relata, iha momentu dezastra naturál ema hotu-hotu nia kabun la’ós Serka Sanitária, tan ne’e labele taka dala ba ema seluk ne’ebé atu ajuda nia maluk sira iha tempu emerjénsia.Ivo/Rit
