Família Matebian Armindo, Ejije PR Lú Olo-PM Taur Tenke Rezolve
Naunil Media (Díli), Família husi Matebian Armindo Borges, Abel Sarmento ejije Prezidente Repúblika (PR), Francisco Guterres no Primeiru Ministru (PM), Taur Matan Ruak tenke buka resolve lalais, tanba agora seidauk iha solusaun hodi halot mate-isin.
“Ami família ejije PR Lú Olo no PM Taur Matan Ruak tenke buka hodi rezolve situsaun atu ami bele halot mate-isin tanba ami husi família mós prepara ona fatin ba matebian”, dehan Família Abel Sarmento ba jornalista sira iha izolamentu Vera Krus, Kaikoli, tersa (13/04).
Abel afirma, família nafatin buka solusaun lori mate-isin ba uma, la iha solusaun família hein to’o entrega ba família atu halot ho didiak no tuir kultura Timór nian.
Iha fatin hanesan oan feto Lurdes ed Jesus hatutan, “ha’u-nia aman moras kleur tiha ona mak dehan virus fali, agora MS sira prepara fali kaixaun hatama fali ne’e mak ami la simu. Sé mate isin nafatin iha ne’e, ami hein nafatin”.
“Ami konversa ho Deritora Jeral MS Dra, Odete Maria Viegas dehan hau-nia pai ne’e nia barak ona ne’ebé bele adaet ba ferikoan no oan, maibé ba ami na’in tolu deit ba sira na’in haat iha uma laran la iha. Depois ba iha hospital ami nain tolu mak ba hau ho mae no alin mane ida ne’e negative hotu, maibe hau ho mae mak pozitivu”, nia subliña.
Nune’e nia dehan,“Hau tuir teste swab to’o agora diak hela no ha’u sente sitomas ida seidauk iha, sente la’o mós di’ak hela no han diak hela, mear la iha maibe. Ami inus metin tanba agora toba iha rai rahun, se moras korona iha hodi kalan ami toba butuk malu hanesan ne’e balu-balu mate hotu tiha ona tanba ne’e ami povu ai leba la fiar korona tanba ami hahan tradisionál, moras ida la iha ba ami”.tenik nia. Ipe/Pau