FEATUREDIkus LiuNewsSaude

Aviaun ROYAL AUSTRALIAN AIR FORCE Lori Ekipamentu Mediku Mai TL

Fahe Tutan

Naunil Media (Díli), Embaixador Australia ba Timor Leste, Peter Roberts, informa  aviaun ROYAL AUSTRALIAN AIR FORCE C-17  Marka A41-212 husi nasaun Australia ne’e tula ekipamentu  Hamutuk Tonelada 27  resin no Asistensia Mediku Australianu nian Nain rua feto Ida no Mane ida mai Timor-Leste.

“Ohin loron materiál asistensia emerjensia hamutuk tonelada 27 resin, inklui hahan, material tenda no mos ijeniku nian to’o ona iha Dili ho Australia nia aviaun Boeing Royal Australian Air Force C-17 Globemaster”, Dehan Embaixador Australia ba Timor-lesste  Peter Roberts ba jornalista sira liuhusi nian diskursu, iha sala VIP Aeroportu Internasional Presidente Nikolau Lobatu, Komoro,  kuarta, tuku 30;58, (14/04)

Roberte hatutan, material hirak ne’e hola parte ba Australia nia pakote asistensia emerjensia ho montante  millaun $ 7 ba Timor-Leste depoizde inundasaun iha tempu Paskua foin dadauk  iha Timor-Leste.

Nia hatuir, Ekipa Asistensia Mediku Australianu nian nain rua feto no mane (AUSMAT) mos halo viajen tuir aviaun ida ne’e. Epidomiolojista sinior no ofisial asistensia saude nian sei serbisu hamutuk Ministeriu Saude nia ekipa vijilansia ne’ebe mak daudaun ne’e jere responde ba COVID-19.

“Material asistensia emerjensia nian sei distribui liuhosi Australia nia Parseria Umanitaria nia, ONG sira Ekipamentu Protesaun Pesoal (PPE) sei aumenta ba governu nia stok ne’ebe mak hetan estragu depoizde inundasaun, ne’e hanesan kontinuasaun ba PPE kilograma 500 husi Australia iha semana kotuk”. Nia relata

Nia afirma, Material asistensia emerjensia hirak ne’e aumenta ba Australia nia apoia imidiatamentu ne’ebe fornese ona ema barak iha sentru evakuasaun sira.

“Australia orgullu tebes hala’o serbisu hamutuk ho Governu Timor-Leste hodi apoia Timor-Leste nia esforsu hodi responde ba COVID-19 no rekuperasaun ba inundasaun”.  Tenik nia .Ipe/JJF

Leave a Reply

Your email address will not be published. Required fields are marked *