FEATUREDIkus LiuNewsSaude

COVID-19: Díli Rejista tan Kazu Foun Na’in-17

Fahe Tutan

Naunil Media (Díli), Portavoz Kordenadór Forsa-Tarefa ba Prevensaun no Mitigasaun Surtu Covid-19  Dr Rui Maria de Araújo informa,  Kazu covid-19 Díli rejista tan pozitivu foun hamutuk na’in-17.  

Tuir Dr. Rui evolui  surtu COVID-19 iha Munisípiu Díli  deteta kazu foun 17. Nune’e, kazu detetadu ka pozitivu iha Munisipiu Dili husi loron  7 Marsu 2021 (loron ne’ebé hahú deteta kazu iha cluster BTN II, Terra Santa, Madohi), to’o ohin, 14 Abríl  2021, hamutuk hotu 861.

Ho baze ba informasaun ne’ebé disponível, ekipa konjunta saúde halo fali revizaun ba foku propagasaun/cluster iha Municipiu Dili. Suku sai nu’udar area geográfika ne’ebé  uza hanesan baze atu haree ligasaun entre kazu, no ligasaun ho expozisaun ba fonte infesaun.  Nune’e foku propagasaun/cluster iha Dili, hetan revizaun  amutuk hotu, sei nafatin iha cluster 23.

 “Dadus jerál ba Timor-Leste tomak kazu detetatu foun iha ohin   17 (iha Dili hotu), kazu rekuperadu iha loron  14  Abríl 2021 hamutuk  14 no totál kazu ativu baixa ohin loron ne’e hamutuk  547. Husi total kazu detetadu foun ohin  mane 10, feto 7,  Husi total kazu detetadu foun ohin: Sintmátiku 3, asintomátiku 14. Husi horiseik mai ohin, hamutuk hotu Laboratóriu Nasionál Saúde halo 446 testes PCR”, dehan Kordenadór Dr. Rui Maria de Araújo Naunil Media asesu liuhusi nota imprensa husi SIJK, kuarta (14/04).

 

 ho detalles  hanesan tuir mai:

  1. Vijilánsia sentinela:31.
  2. Rastreiu ba kontaktu (Contact tracing): 1.
  3. Rastreiu Aleatoriu (Random Screening): 2.
  4. Viajen sai husi serka sanitária Munisipiu Dili:393.
  5. Viajen internasionál: 18.
  6. Follow up iha quarentena: 0.

Husi Total pedidu autorizasaun esepsionál atu sai husi serka sanitaria iha Munisipiu Dili, iha dia 13 de Abril, hamutuk hotu 125. Sekretariadu CIGC responde hotu kedas, maibé 9 pedidus la prienxe kritériu tuir Resolusaun Governu.

Alende ne’e nia dehan, informasaun adisionál, iha izolementu Vera Cruz iha kazu pozitivu nain 8. Ida grave, nain 7 moderadu. Husi kazu pozitivu nain 8 ne’e, 4 iha area medisina interna, 4 seluk iha obstetrisia. Kazu grave ne’ebé iha Vera Cruz, nafatin uza ventilador & aimoruk balun tuir protokolu ne’ebé Timor-Leste adopta. Ohin saturasaun oksijénio 96%, no estável.

Iha fulan Maio 2020 no Marsu de 2021, LNS haruka 70 amostras ba halo analize sekuensiasaun genómika iha Doherty Institute, University of Melbourne, Australia. Rezultadu husi análize haruka mai iha semana kotuk ho rezultadu hanesan tuir mai, Husi total 70 amostras, 99,6% hatutu variante sira ne’ebé sirkla iha Indonézia, Australia no Papua Nova Guiné. Iha amostra 1 ne’ebé rekolle iha 27 de Dezembru de 2020, ne’ebé hatudu variante B.1.1.7, ne’ebé sirkula iha Inglaterra. Ema ne’ebé rekolle amostra ne’e,  hafoin deteta pozitivu iha Dezembru 2020, lori nia ba izolamentu, hafoin rezultadu swab follow-up dala 2 negativu, foin sirkula livre.

 Husi amostra sira ne’e, la iha ida maka hatudu variante Afrika do Sul no  mós variante Brasil. Hahú semana ida ne’e nia laran, ekipa konjunta saúde sei utiliza mós Antigen Swab Test hanesan instrumentu ida atu fasilita halo rastreiu ka screening ba Covid-19. Nafatin instrumentu atu define diagnóstiku finál ba Covid-19 maka RT-PCR test, maibé Antigen Swab test sei utiliza hanesan rastreiu inisiál. Desizaun teknika ida ne’e, hala’o iha fulan Marsu 2021, no LNS halo hela preparativus atu hahú implementa.

Nia apelu, ba sira ne’ebé maski lakon uma, sasan no hela fatin, no tenki evakua ba fatin publiku sira, halo favor nafatin uza meius hotu ne’ebé iha atu hado’ok-an husi kontájiu moras Covid-19, liu-liu nafatin uza mascara, no faze liman beibeik ho bé no sabaun ka dezintetante ruma. Husu mós ba populasaun ne’ebé provizóriamente tenki hela iha sentru evakuasaun sira, atu kolabora ho ekipa konjunta saúde, hodi foti amostra ba análize laboratóriu no  Ba populasaun ne’ebé la afetadu ho inundasaun, favor respeita nafatin regra sira ne’ebé Governu hatu’ur ona atu prevene moras Covid-19 da’et ba mai. Vit

 

Leave a Reply

Your email address will not be published. Required fields are marked *