GeralIkus LiuNewsPolitikaSaude

Mundu Hadau Malu Vasina, PM TMR Husu Sidadaun Hotu Tuir Vasina

Fahe Tutan

Naunil Media (Dili) Primeiru Ministru (PM)Taur Matan RuaK, husu ba sidadaun hotu-hotu Iha Timor-Leste atu tuir vasinasaun hodi prevene a’an husu surtu mundial Covid-19.

Eis prezidenti RDTL Taur Matan Ruak deklara lia ne’e hafoin relata serbisu governu nian, liliu kona-ba progresu prevensaun Covid-19, iha Timor Leste ba prezidenti Repúblika (PR) Francisco Guterres Lú Olo, iha Palásiu Prezidente Nicolau Lobato Bairru Pite kinta (15/04/2021).

“Foin dadauk vasina ha’u-nia deklarasaun ha’u hatete ema ida seidauk bele livre enkuantu ema hotu-hotu seidauk livre ne’e signifika katak ema bele na’in-sanulu simu tiha mas nain lima ne’e seidauk simu vasina ne’e sei risku ba ita mas ita hotu simu ne’e di’ak liu,” hateten eis jeneral fitun rua ne’e.

Nia hatutan dalan di’ak liu, atu prevene aan husi covid-19 presiza ema hotu-hotu hetan vasina, tanba dadaun ne’e mundu hadau malu atu tuir vasina.

“Entaun ita promuladu ita mantein regras para ita labele hetan moras seluk ita mós vasina tanba ita nia objetivu ate 2021 remata populasaun tenke vasina hotu ne’e ita nia ambisaun maibé realidade ita tenke hare’e se ita bele too iha ne’ebá tanba vasina ne’e ohin iha mundu tomak presiza hadau malu i la’ós de’it Timor,” nia hatutan.

Xefi ezekutivu oitavu governu ne’e mós deklara iha enkontru refere nia-informa ba sua exselensia Prezidente repúblika kona-ba esforsu vasinasaun nian, nune primeira vez 24.000 mil komesa ona halo vasinasaun, nune tuir planu dadaun ne’e halo hela kopersaun ho governu australia atu hetan tan apoia.

“Ha’u halo pedidu ida ba iha Austrália Sr Primeiru Ministru Austrália resposta pozitivu i Austrália bele fo depende ita nia kapasidade atu uza no implementa hotu ida ne’ebé ita simu mas sira bele fo tres semanas rihun 10.000” nia haktuir.

Tuir dadus dadaun ne’e timor leste rejista kazu covid-19 ne’ebé baisa hela hamutuk 574, kazu rekopera 568 no kazu mate 2.*Jos

Leave a Reply

Your email address will not be published. Required fields are marked *