Liña Frente simu Ona Vasina , MAPKOMS Husu públiku Labele Tauk
Naunil Media (Dili), Ministru Asuntu Parlamentar no komunikasaun Sosial (MAPKOMS) Francisco Jeronimo hamutuk ekipa Liña frente simu ona Vasina AstraZeneca. Tanba ne’e nia parte husu ba sidadaun hotu Labele tauk tuir vasina.
Hafoin simu vasina refere Ministru Assuntu Parlamentar no komunikasaun Sosial (MAPKOMS) deklara nu’udar membru governu nia prontu simu vasina hodi preven aan husu surtu covid-19.
“Ha’u desde loron premeiru prontu simu Vasina astrazeneca maibé, tanba de’it tensaun Oituan. Maibe ha’u hakarak oferese a’an simu vasina atu nune’e bele garante ba publiku no komunidade katak Vasina ne’e seguru” deklara membru governu ne’e iha CCD Sesta, (16/04/2021) hafoin remata vasina.
Ministru ne’e mos husu ba populasaun sira atu iha oportunidade tuir mai, hakbesik aan ba iha sentru saúde hodi bele simu vasina AstraZeneca.
“Ita nia nain Ulun sira simu ona hahu husi Premeiru-Ministru simu ona Prezidente Parlamentu simu ona Vasina ne’e seguru. Tanba ne’e mak husu Populasaun hotu labele tauk maibé hakbesik a’an-ba sentru saúde sira simu ” Katak nia
Enkuantu tuir Diretora Jeral Prestasaun Saude (DJPS) Odete Da silva Viegas hatutan Vasina agora dadaun ne’e prioridade ba lina Frente sira.nune iha etapa tuir mai mak ba sidadaun sira.
“Vasina AstraZeneca durante semana ida ne’e nia laran, prioridade ba uluk liña Frente sira hanesan Profesional Saude, PNTL, F-FDTL SAS pesoal ne’ebé serbisu iha Aeroporto, Imigrasaun Alfandega, Media sira” nia dehan.
Tuir Observasaun iha Sesta ne’e ekipa Liña Frente ne’ebé mak simu Vasina ba Astrazeneca mak hanesan Jornalista oan inklui mós seguransa hanesan PNTL no F-FDTL no ekipa frontline seluk.* Jos
