Refuziadu Iha Posku INFORDEP Kongratula Jornalista Naunil Media

Naunil Media (Díli), Rosponsavel Refuziadu husi posku INFORDEP Joao Do Rego apresia tebes ba servisu Jornalista Naunil Media ne’ebe horseik entrevista no ohin iha kedas Asaun husi Asosiation Of Chineze Yuth Interprenurs Timor-Leste.

“Ha’u responsavel posku evakuasaun INFORDEP husi agradese tebes ba jornalista husi naunil media ne’ebé lori ona sira-nia difikuldade ba públiku no liu de’it loron ida hetan kedas asaun husi maluk asosiasaun juventude Chineze iha Timor-Leste”, dehan  joão ba jornalista naunil media hafoin asosiasaun juventude Chineze iha Timor-Leste  distribui nessidade bázika ba refuzeadu sira, iha INFORDEP,  iha Balide, kinta (15/04).

Responsavel ne’e hatutan, sente orgullu ba Asosiasaun Juventude Chineze ne’ebé haree ona informasaun ne’ebé mak públika husi  media Naunil Media  iha loron kinta 15 Abríl, nune’e asosiasaun juventude Chineze iha Timor-Leste  foti inisiativa hodi fó apoia refuziadu sira.

“Hau Orgullu ba Asosiasaun Juventude Chineze iha timor-Leste ne’ebé ohin apoia ona ami  ne’ebé liuhusi ami-nia difikuldade ne’ebé ami hato’o  Naunil Media horseik. Maibé ami hetan ona apoiu”,  Nia dehan

Iha fatin hanesan Responsavel Asosiasaun Juventude Chineze iha Timor-Leste, Rude Kwan haktuir, “Ha’u  kongratula  ba Servisu Naunil Media ne’ebé sai fonte prinsipal ba refuziadu sira nia preokupasaun”.

“Ha’u fó apoiu ba refuziadu sira samba horseik ha’u lee notisia Online husi Naunil Media fó sai  katak refuziadu sira la iha Ona hahan. Tanba ne’e ha’u foti nomor kontaktu ba jornalista Naunil Media hodi halo apoia emerzensia”. tenik nia. 

Entretantu nesesidade bázika  ne’ebé mak Asosiasaun Juventude Chineze apoia mak hanesan Foos 30 saku, Manutolun dos 5, akua gelas dos 50, susu been  5 dos, mina 5 Supermi 30 dos. Asosiasaun ne’e sei kontinua   fó apoia ba vítima sira ne’ebé mak presija tulun. JJF