Afetadu Inundasaun: 12 Outubru Uma Kain 412 Hetan Apoiu Emerjénsia Husi Governu
Naunil Media (Dili), Kumunidade afetadu ba Inundasaun husi Aldeia 12 Outubru suku Komoro humutuk uma kain 413 hetan ona apoiu emerjénsia husi Guvernu.
“Temporariamente dadus ne’ebé mak tama iha protesaun civil iha 1.760 ba aldeia 12 Outubru Tasi Tolu de’it ne’ebé kompostu husi Bairru 11, totál dadus ne’ebé mak ita simu ohin ita halo distribuisaun apoiu emerjénsia ba ona uma kain 412 aban bain rua ita nafatin halo distribuisaun ba sira hotu kedas”. Tuir Superentedente PNTL no Diretur Jerál Protesaun Civil Ismail da Costa Babo ba Jornalista iha Tasi Tolu, Sabadu (17/04).
Diretór Jerál Ismael husu, ba vítima afetadu sira atu fó dadus ne’ebé lolos no labele inventa tanba injustisa no ajudus emerjénsia ne’e la’ós Tasi Tolu de’it, maibé inklui mós Munisípiu 12 no RAEOA.
“Apoiu emerjensia ba Tasi Tolu la’ós ne’e de’it maibé 12 Munisípiu inklui RAEOA mós suku sira seluk fora husi Komoro ninian Tasi Tolu, mak ita target tanba Tasi Tolu ne’e kuaze hotu-hotu kedas. Espera dadus ne’ebé sira fó ne’e i dadus sira ne’e ema afeta duni. Sé dadus ne’ebé sira fó mak inventa ne’e injustisa ba sira”. Ismael informa.
Ismail dehan, dadus ne’ebé husi xefe suku no xefe aldeia mak fó ba sira ne’e dadus ne’ebé mak ema hetan dezastre naturál duni no sira ne’e iha direitu atu simu. apoiu sira ne’e husi orsamentu estadu ninian no Parseiru dezenvolvimentu sira husi Nasoens Unidas, Jepan, Korea embaixada sira iha Timor-Leste.
Iha fatin hanesan vítima inundasaun Guilermi da Costa haktuir, husi Aldeia 12 Outubru Suku Komoro senti kontenti tanba governu agora dadauk bele ajuda tan sira maibé antes ne’e mós sira hetan uluk ona apoiu emerjensia husi NGO no entidades balun.
“Ami senti di’ak no kontenti tanba antes ne’e, ami mós hetan ona apoiu organizasaun no mós entidades balun agora dadaun ami simu tan husi guvernu nian. tanba iha Tasi Tolu maioria komunidade barak mak hetan afetadu ba Inundasaun”. Guilermi hato’o.
Guilermi informa, ema barak mak ohin seidauk simu tanba kuaze naran liu rihun ida resin mak seidauk ne’ebé ohin iha ne’ebá balun naran laiha tanba komunidade afetadu balun mós iha tiha foho.
Nesesidade ne’ebé mak fahe ba vitima sira mak hanesan foos mina, sardina, susu ben, biskuit no , matérial dapur nian. Jos