Fila Ba Munisipiu, João: Estudante UNTL Tuir Texte Swab

Naunil Media (Díli), Reitór  Universidade Nasionál Timor-lorosa’e (UNTL),  João Soares Martins informa, estudante UNTL  hodi   tuir  protokolu  saúde ba prevensaun Covid-19,   bainhira atu  fila ba munisípiu tenki teste swab rejultadu negativu.

“Estudante UNTL  tuir  Teste dahuluk ba fakuldade rua husi Siénsia Exata no fakuldade Enjénaria Hera sira ne’ebé tuir ona Swab sei rona rezultadu mak bá munisípiu. Tuir Protukolu saúde nian”, dehan  Reitór João Soares Martins ba jornalista Naunil  Media, iha Fakuldade Enjénaria, Hera, sábadu (17/04).

João hatutan, estudante atu ba Munisípiu  planu governu nian mak sei lori estudante ba sira-nia ba no UNTL sei fasilita de’it sira liuhusi Ministéiru Saúde (MS)  halo teste swab ba estudante Sira ne’ebé hakarak ba munisípiu.

“Estudante ne’ebe mak ba munisípiu ne’e planu governu nian no bainhira estudante sira atu fila.  Ministéiru Ensinu Superióir Siensia no Kultura (MESSK)  fasilita sira nian movimentasaun husi Munisipiu mai Díli”,  Tenik nia.

Iha fatin hanesan  kordenadora Pilar   3, Doutora Josefina Clarina João haktuir,  teste ne’e sai planu fó sai rezultadu tarde liu loron Rua.

“Teste ne’ebé ohin ami halo sei rona rezultadu liu loron ida no rua,  maibé ekipa nafatin koko fó sai ho rapida no posivel para bele fasilita estudante sira ne’ebé hakarak ba Munisípiu” Diretora Nasionál kontrola moras no nudar kordenadora pilar tres ne’e informa.

Diretóra ne’e husu, estudante sira ne’ebé tuir ona teste swab atu ba munisípiu tenke hamatek iha   uma durante  loron hitu (7) nian laran tanba mai tuir teste ne’e ema barak los.

“Kada loron  ida ami sei fó texte swab  ba ema 400 no depende ba estudante  ne’ebé iha inisiativa atu ba Munisipiu”, tenik Josefina.

Iha sorin selu estudante UNTL, Carla Gonçalves Lopes  haktuir,  texte Swab  sente diak maibé iha Inus ne’e ladun diak.  “Swab ne’e diak ba ita-nia saúde. Tuir ha’u-nia hanoin texte swab  iha parte ibun mak diak, maibé iha inus ne’e mak sente ladun diak. Maibé,  ha’u mós  konsege swab ona”. tenik Carla.

Tuir  estudante ne’ebé naran iha  lista UNTL  ba Munisípiu  atu tuir texte Swab hamutuk 3400   husi fakuldade 9.JJF