Olinda: Kondena Joven Hakanek Pesoal Saúde iha Kovalima
Naunil Media (Díli), Xefe bankada Kamanek Haburas Unidade Nasional Timor Oan (KHUNTO) Olinda Guteres deklara, Timor-Leste iha lei kondena joven ne’ebé halo aktu krime hakanek pesoal saúde iha kuarentena Munisípiu Kovalima.
Tuir xefe Bankada KHUNTO Olinda Guteres ho akontesimentu ne’e tenke toma responsabilidade husi Polísia Nasionál Timor-Leste (PNTL) hodi bele loke investigasaun ba aktu krime ne’ebé akontese iha kuarentena Kovalina.
“Ita-nia lei iha responsabilidade ba polísia no husu ba polísia sira tenke halo kapturasaun ba suspeitu sira hodi investiga”, dehan Xefe bankada KUNTO Olinda ba Jornalista sira, iha resintu Parlamentu nasionál, tersa (20/04).
Olinda hatutan, maske Polísia iha responsabilidade tomak atu ezekuta lei, maibé polisia mos tenke kuidadu labele ba kaer ema arbiru de’it.
“Labele hanesan foin dadauk akontese. Ha’u rona dehan katak iha komoro ne’ebá ema seluk halo problema tama fali, ema seluk nia uma. Entaun kaer fali ema uma nain, ne’e la dun loos”. Tenik nia.
Entretantu problema ne’e akontese iha tuku 18:00 otl bainhira ekipa médiku hakat ba evakua pasiente pozitivu covid-19 nain rua iha kuarentena polo hodi lori bá izolamentu. Maibé pasiente la koopera ekipa saúde sira, pasiente balun reforsa husi família hakanek médiku nain ida iha parte oin no suku pontu rua.Ivo