FEATUREDIkus LiuNewsSaude

Posku Evakuasaun 4 Setembru Enfrenta Ai-han, Fransisca: Governu no Entidade Presija Fó Apoiu

Fahe Tutan

Naunil Media (Díli), Vítima dezastre naturál iha posku evakuasaun  eskola 4 Setembru enfrenta ba ai-han,  responsavel Posku evakuasaun, Fransisca da Silva, husu ba  governu  no entividade fo apoiu ai-han  no ruopa ba família afetadu sira tanba menus iha hahan iha posku. 

“Ami husu  ba governu no entidade sira   fó apoiu nesesidade bazika ba ami  tanba ami agora  hahan laiha. Ami simu uluk, maibé  lasufisiente ba sira. Ami refuziadu iha ne’e   maioria  vida negosiante  no  balun oan barak”, dehan responsavel Posku evakuasaun, Fransisca da Silva ba Naunil Media iha posku evakuasaun eskola 4 Setembru, Balide,  tersa (20/04).

 Francisca hatutan, antes ne’e hetan apoiu  husi  sekretáru Estadu Protesaun Sivil (SEPC),  Ministériu Solidaridade Sosial Inkluzaun (MSSI) no    organizasaun naun govermental (ONG), maibé agora atu hotu ona.

Fransisca dehan,  evakuasaun  iha eskola 4 Setembru hetan autorizasaun husi Ministru Edukasaun Desportu no Juventude (MEJD) durante Serka Sanitária, maibé  prosesu aprendisajem la’o normál  sira prontu hodi ba hela fila-fali sira-nia fatin.

“Ami mai iha ne’e, Ministru Edukasaun rasik mai vizita ami iha ne’e.  Ministru rasik dehan bele hela iha ba durante eskola seidauk la’o, maibe karik eskola la’o normal maka dehan ami tenke sai, pasensia ami nia-uma  halo nusa mos,  ami ba fali ami-nia fatin”, nia  dehan ho matan been tanba sira uma hetan estragu.

Tuir dadus evakuasaun iha  eskola 4 Setembru hamutuk uma kain 60, habitantes hamutuk 339, labarik sira idade husi 0 to’o 18 hamutuk 128, inan isin rua iha nain 5, inan ho bebe nain 10, difisiente nain 2, idozus nain 5.  Okupa sala de aula hamutuk 8, iha aula ida  bele akumula famili 10 resin. Rit/JJS

Leave a Reply

Your email address will not be published. Required fields are marked *