Xineza Timoroan Suporta Nesesidade Bazika, Liuhusi Espoza PR Apoiu Vitima Inundasaun

Fahe Tutan

Naunil Media (Dili), Asosiasaun Komersial Komunidade Chineza Timor Oan (ACCCTO) entrega fós saka 125 no supermi 125 ba Gabinete Apoiu Atividade Conjuge, (GAAC) hodi ajuda ba populasaun hirak ne’e afeita ba inundasaun.

Hafoin entrega Prezidente ACCCTO Kathleen Gonçalves deklara objetivu husi ajudus hirak ne’e hanesan parte importante ida hodi lolo liman ba maluk hirak ne’ebé kona susar kauza husi dezastre naturais.

“Ohin ami lori mai supremi kaixa 125 fos 125 sakas entrega ba ita nia eseletsima primeira dama. Hodi nune’e bele lori fahe tutan ba ita nia maluk vitima sira ne’ebé hetan dezastre naturais iha dia 4 liu ba,” deklara Kathleen iha Palásiu Prezidente Nicolau Lobato Bairru Pite tersa (20/04/2021).

Xineza timoroan ne’e deklara, ajudus hirak ne’e, kontribui husi xinezas timoroan iha rai laran inklúi mos husi rai liur.

“Agora dadauk iha organizasaun hamutuk nain-haat mak halo ona aprosimasaun kontaktu mai, iha Sidney nian Organizasaun chinezas Timor oan husi Sidney , Assosiasaun Chineza Timor oan husi Melbourn, Vitória Assosiasaun Chineza Timor oan ferik katuas sira nia, Organizasaun joven sira nia Organizasaun sira mak kontaktu ona ho ita, Fo hatene mai ita katak sira hakarak entrega fos supremi ne’ebé Organizasaun atrasa tiha ona ” hatutan nia.

Nia hateten tuir planu ne’ebé planeia ona iha tempu tuir mai, sira mos sei entrega apoiu hirak ne’e ba Protesaun sivil no fundasaun relevante seluk.

“Antes ne’e mós Organizasaun iha Timor Leste Assosiasaun Chinesa komunidade Timor oan, iha dia 4 ne’ebé akontese inundasaun ami halo halo kedas Asaun iha dia 5 dia 6 halibur sasán iha organizasaun no fahe ba iha protesaun Civil, lori ba Igreja Bekuse, Madre sira iha Hera, Tasi Tolu Paulu II, Aitarak Laran, Manleu, apoiu sira ne’e liuliu ai-han fos supermi biskuit sasán dapur no roupa balun,” xineza timoroan ne’e haktuir


Nia mos deklara totál sasán ne’ebé mak sira prepara hela atu distribui mak hanesan fos saka 1250, supermi kaisa 600 bee kaisa 300, mina kaisa 50 no sasán baziku sira seluk.

Hafoin entrega sasan hirak ne’e ba Gabinte Espoza PR nian, liu husi entrevista Espoza PR Cidalia Nobre Moujinho Guterres Lopes deklara nia parte agradese ba xineza timoroan sira tanba bele kontribui hodi ajuda maluk hirak ne’ebé afeita ba inundasaun.

“Aproveita oportunidade ida ne’e ha’u hato’o, ha’-nia agradese ba señora Kethleen hodi hatoo mos ba maluk xineza sira ne’ebe mak fo ona apoiu mai gabinete,” hateten espoza PR.
Inan ba nasaun ne’e deklara sasan hirak ne’ebé sira simu husi Xinezas timoroan sira, sei fó turan ba vitima ne’ebé mak afeita ba inundasaun.

“Ohin mos ita boot sira akompaña husi asosiasaun husi timoroan sira haruka apoiu umanitariu atu tulun ita nia komunidade sira liu husi Asosiaun Chineza Timor Oan ne’ebé mak iha Dili. Nune ohin ami mos iha programa hodi ba vizita fatin tolu mak hanesan Hera, Manleu, No Mota Ulun,” nia hakotu.* Jos

Leave a Reply

Your email address will not be published. Required fields are marked *