CNRT Lamenta Ho Aktu Membru PNTL Ho F-FDTL Iha Covalima
Naunil Media (Díli), Relasiona ho akontesimentu iha Covalima, Membru Polisia Nasionàl Timor-Leste (PNTL) ho Membru Falintil Forsa Defeza Timor-Leste (F-FDTL) ne’ebé halo atuasaun ho agresaun fisiku no tiru Gas Lakrimizeniu hasoru estudante. Deputadu konsidera PNTL ho F-FDL la hatudu sira nia profisionalizmu, nu’udar seguransa.
“Partidu CNRT Lamenta tebes ho pesoal seguransa sira atendimentu ba ema hirak ne’ebé hela iha kuarentina tanbà buat Ida covid ne’e ita labele hasoru ema hirak ne’e ho maneria agresivu, primeru estar tenke hare’e ba kondisaun no situasaun, ” dehan deputada Carmelita Moniz ba Jornalista Naunil Media Iha resintu Parlamentu Nasional tersa (20/04).
Nia deklara Membru PNTL Ho F-FDTL hanesan instituisaun seguransa, nia serbisu atu fo seguransa no autoriza ema tuir regrasa, laos atu baku ema.
“Liu-liu pesoal saude sira tenke halo sosilizasaun kompresaun didiak ba ema hakbesik aan ba ema hirak ne’ebé karik seidauk iha kompresaun didiak ba asuntu covid-19, entaun ema barak la senti katak asintomatiku. Entaun sira pozitivu mós dehan laos positivu tanbà Sira la Senti buat Ida la isin manas, ka mear, la kakorok moras la inus ben, entaun buat ne’e ema dehan diak hela tanba saida imi dehan ami covid maibe Ida ne’e responsavel pessoal saude sira nian, laos PNTL ho FDTL” nia dehan.
Iha biban ne’e deputada ne’e husu ba PNTL no F-FDTL atu hatudu sira nia profesionalismu ho maneria serbisu, nune labele uza povu nia sasan hodi estraga povu.Ivo
