Covid-19: Kazu Rekupera Atinji nain-32

Naunil Media (Díli), Portavoz Kordenadór Forsa-Tarefa ba Mitigasaun Surtu Covid-19, Rui Maria de Araújo, informa  kazu   Covid-19 pasiente negativu, ohin rekupera hamutuk na’in-32 no foun rejista hamutuk na’in-84.

Portavoz Kordenadór Forsa-Tarefa Ba Mitigasaun Surtu Covid-19 Dr. Rui Maria de Araújo Naunil Media asesu, liuhusi zoom Meeting, tersa (20/04).

“Dadus jeral ba Timor-Leste tomak totál kazu konfirmadu kumulativu (sura husi 21 Marsu 2020) 1452. Kazu detetatu foun ne’ebé relata iha loron  20 Abril 2021,  84 (iha  Dili  73,  iha Munisipiu seluk 11). Husi total kazu detetadu foun ohin: mane 45, feto 39. Husi total kazu detetadu foun ohin: asintomátiku 76 (90%), sintomátiku 8”, dehan Dr. Rui.

Dr. Rui hatutan, husi total kazu detetadu foun ohin, 45 (53,5%) maka deteta tamba halo teste ho razaun atu halo viajen/ka halo ona viajen ba Munispiu  hafoin deteta pozitivu. Maski nune’e, sira ne’ebé rezultadu teste pozitivu, maioria sira nia hela fatin, iha duni cluster sira ne’ebé iha kazu detetadu barak.

a). Kazu rekuperadu ne’ebé ralata iha dia 20 de Abril 2021: 32.

b). Total kazu ativu ohin, dia 20 de Abril 2021: 725.

c). Husi horiseik mai ohin, hamutuk hotu Laboratóriu Nasionál Saúde halo 1089 testes PCR, ho detalles hanesan tuir mai:

1.Vijilánsia sentinela:34.

2.Rastreiu ba kontaktu (Contact tracing): 78.

3.Rastreiu Aleatoriu (Random Screening): 378.

4.Viajen sai husi serka sanitária Munisipiu Dili:545.

5.Viajen internasionál: 54.

6.Follow up iha quarentena: 0.

Ikus nia apelu, Ba populasaun iha Timor-Leste laran tomak, favor respeita nafatin regra prevensaun no ijiéne individual, ne’ebé Governu hatu’ur ona atu prevene moras Covid-19 da’et ba mai.

Regra sira ne’e, hanesan ita hotu hatene ona, maka: (a) Uza mascara; (b) fase liman beibeik ho sabaun ka dezinfetante ruma; (c) evita kose liman ba matan, inus ho ibun; (d) wainhira kumprimenta malu, la presiza ka’er liman, bensa-liman, rei-malu ka haku’ak malu; (e) evita halibur malu barak; (f) hamri’ik ka tur do’ok husi ema seluk, mínimu metru ida ho balun. Vit