FHT Apoia Nesesidade Bázika Ba Estudante Kost na’in-20
Naunil Media (Díli), Diretór Fundasaun Hadomi Timor (FHT), Abrão Monteiro informa, Fundasaun Hadomi Timor (FHT) fó apoia nesesidade bázika hamutuk na’in-20 ne’ebé hela iha kost Díli.
Husi apoiu ne’e objetivu atu hakman estudante sira nian sofrementu durante iha Serka SanitariA (SS) no dezasdtre ne’ebé akontese iha loron domingu 4 fulan Abríl 2021.
“Apoia ne’ebé ami fó ba estudante sira, atu hakman sira ne’ebé mak hela iha kost, sira-nia sofrementu iha serka sanitária nia laran ne’ebé mak la posivel, atu asesu ba hahan”, dehan director FHT Abrão Monteiro ba jornalista sira, hafoin halo distribuisaun nesesidade bázika, iha edifísiu Luta Hamutuk, Farol, Kuarta (21/04).
Nia hatutan, tuir dadus estudante ne’ebé naran iha lista hamutuk ema na’in-28, maibe ohin simu nain-20 mak simu ona. Tanba dala ruma la iha transporte no hela iha distansia ne’ebé mak dook.
Entretantu apoia nesesidade bázika ne’ebé FHT distribui ba estudante hanesan foos no supermi. JJF