GeralIkus LiuNews

“Klamar Fuik” Lori SIJK Husu Deskulpa Ba Matebian Francisca, Nia-Família

Fahe Tutan

Naunil Media (Dili), Komodoro Donanciano Da Costa Gomes “Pedro Klmar Fuik” hanesn responsabel Sentru Integradu Jestaun Krize (CIGC), husu deskulpa ba familia Matebian Francisca Gama. Taba sira halot matebian Francisca nia isin mate la tuir tradisaun timor nian.

“Klamar Fuik deklara lia ne’e hafoin hamutuk ho família mate-bian ba hari’i Kruz matebian Francisca Souza Gama iha semiteriu propriu Covid-19 nian, iha Metinaro tersa (20/04).

“Ami hakruk tebetebes ba família i perante matebian, ha’u lori sala situasaun nian naran husu deskulpa ba matebian tanba haloot nia iha loron 6 fulan Abríl. Ne’e dalaruma latuir ita nia uzu kustume i tradisaun, lori kolega sira hotu ne’ebé mak iha ne’e ho sira ne’ebé mak laiha ne’e nia naran ami husu deskulpa,” deklara responsavel sentru integradu no jestaun krize (SİJK), ba familia matebian Iha Metinaro.

Nia deklara “Hakoi matebian latuir kultura tanba Covid-19 Primeira vez mak tama iha Timor-Leste hotu hotu laprepraradu para atu bele haree oinsá mak atu bele valoriza vitima hotu hotu tuir tradisaun uzu kostume kultura ne’ebé mak iha wainhira haloot matebian ida” .

Komodoro ne’e hatutan iha Situasaun ida ne’e halo familia hotu laran moras mosu dezentendemntu iha sosiedade, maibé ho família nia laran luak no laran di’ak hakarak halo di’ak ba ema barak nia di’ak familia nia hanoin matenek kona-ba nasaun ne’ebé mak iha faze ida difisil, hodu kopera ho governu lori mate isin ba hakoi semiteriu propriu Covid-19.

“Laiha liafuan seluk mak ami hakarak husik hela ba família ami nia solidariedade ami nia sentimentu profundus ba sentimentu ne’ebé mak familia pasa mas ami nafatin hamutuk ho família para atu bele rona koopera nafatin oinsá mak familia nia hanoin i oinsá mak signifika di’ak liu tan fatin ida ba señora Francisca Souza Gama ” tenik nia.

Nune’e Francisco Ximenes husi Familia matebian Francisca Souza Gama hatutan iha loron 6 fulan Abríl sira nia familia mate ho Covid-19 no sira familia simu ho liman rua.

“Maluk sira istória foun ida mai ita Timor iha dia 6 fulan ida ne’e ita nia alin ita nia bin Francisca ne’ebé mak mate ho Covid hodi husik iha semiteriu ida ne’e ba ami Familia simu ho liman rua maske simu ho matan ben ami fiar ba doutor sira ne’ebé iha ne’ebé dehan katak Francisca mate ho Covid-19,” familia matebian ne’e deklara.

Nia klarifika kona-ba mate isin Francisica sira iha planu atu ke’e sai nia restus mortus, maibe sedauk tempu.

Iha biban ne’e familia matebian mos husu deskulpa ba Governu ba erru ne’ebé durante ne’e sira komete hasoru governu.Jos/Ivo

Leave a Reply

Your email address will not be published. Required fields are marked *