Covid-19: Kazu Pozitivu Foun Na’in-148

Fahe Tutan

Naunil Media (Díli), Portavoz Kordenadór Forsa-Tarefa ba Mitigasaun Surtu Covid-19, Rui Maria de Araújo, informa  ekipa Sala Situasaun Sentru-Integraddu Jestaun Kreize (SS-CIGC- sigla Portugés)   Covid-19 kazu pozitivu foun rejista na’in-148, rekupera na’in-35 no kazu ativu baixa hamutuk 862.

Portavoz Kordenadór Forsa-Tarefa ba Mitigasaun Surtu Covid-19, Rui Maria de Araújo ba jornalista sira liuhusi zoom, kinta (22/04).

Tuir Dr. Rui haktuir, DADUS JERAL BA TIMOR-LESTE TOMAK, Total kazu konfirmadu kumulativu (sura husi 21 Marsu 2020): 1657 no Kazu detetatu foun ne’ebé relata iha dia 22 Abril 2021: 148 (iha Dili 118, iha Munisipiu seluk 30). Husi total kazu detetadu foun ohin: mane 79, feto 69, Husi total kazu detetadu foun ohin: asintomátiku 141 (95,2%), sintomátiku 7, Husi total kazu detetadu foun ohin, 62 (41,8%) maka deteta tamba halo teste ho razaun atu halo viajen/ka halo ona viajen ba Munispiu  hafoin deteta pozitivu. Maski nune’e, sira ne’ebé rezultadu teste pozitivu, maioria sira nia hela fatin, iha duni cluster sira ne’ebé iha kazu detetadu barak.

Husi total kazu detetadu foun ohin, 37 (25%), Kazu rekuperadu ne’ebé ralata ohin, dia 22 de Abril 2021: 35, Total kazu ativu ohin, dia 22 de Abril 2021: 862, Husi horiseik mai ohin, hamutuk hotu Laboratóriu Nasionál Saúde halo 1218 testes PCR, ho detalles hanesan tuir mai:

  1. Vijilánsia sentinela:48.
  2. Rastreiu ba kontaktu (Contact tracing): 130.
  3. Rastreiu Aleatoriu (Random Screening): 362.
  4. Viajen sai husi serka sanitária Munisipiu Dili:605.
  5. Viajen internasionál: 28.
  6. Follow up iha quarentena: 44.

Informasaun Adisionál, dr. Rui dehan, Iha loron  22  Abril de 2021, izolamentu Vera Cruz iha kazu detetadu nain 15. Iha área obstetrisia nain 3, medisina interna nain 9, pediatria 3. Sira nain 3 iha obstetrisia, kategoria moderadu hotu, sira nia kondisun estável. Sira nain 9 iha medisina interna, 2 grave, 7 moderadu. Nain 2 grave, 1 uza ventiladór, 1 uza CPAP (Continuous Positive Airway Pressure) no Kazu 3 pediatria, 1 moderadu, nain 2 grave. Nain 2 grave uza CPAP, no ida moderadu uza oxijéniu ho kanula.

Nia informa, ohin iha Munisipiu Dili iha tán óbitu 1. Historia klinika pasiente nian maka hanesan Feto, idade 60 anos, konfirmadu pozitivu SARS-CoV-2 iha dia 19 de Abril de 2021, iha Emerjénsia HNGV, ho CT (cycle threshod): N2 gene 31,7; E gene 30,1. Matebian hela iha Lahane, Dili, ho istória isin-manas ho mear besik semana ida molok mai Emerjénsia HNGV, no mós istória tensaun-a’as, ho diabete ne’ebé la kontroladu.

Diagnóze traballu iha Emerjénsia HNGV: Acute Respiratoric Distress Syndrom (Sindroma insufisiénsia respiratória aguda). Tamba mós pozitivu SARS-COV-2, kazu ne’e konsideradu COVID-19 kategoria grave, no ekipa konjunta saúde deside enkamiña ba izolamentu Vera Cruz, hodi hahú tratamentu tuir protokolu médiku ne’ebé Timor-Leste adopta, inklui utiliza ventilasaun asistida liu husi CPAP (Continuous Positive Airway Pressure). Ohin 22 de Abril 2021, dadersan maizoumenus 08H25, pasiente i’is kotu.

Ninia rezultadu test PCR post-mortem: Pozitivu SARS-CoV-2 ho CT (Cycle Threshold) N2 Gene 33; E Gene 35. Familia matebian deside atu hakoi iha semitériu públiku Bekussi, no ekipa konjunta funeral nina, husi Ministério Saúde, MSSI ho MAE sei apoia tuir protokolu ne’ebé hala’o iha funeral ida iha semana kotuk, hodi nune’e bele minimiza risku atu mosu kontájiu virus husi matebian nia isin ba fali ema seluk.

Ikus nia apela,  ba populasaun iha Dili laran no mós iha Munisipiu sira seluk, atu aprezenta-an iha fasilidade saúde públiku (Sentru Saúde ka Ospitál) ne’ebé besik, wainhira sente isin-manas, ka kakorok moras, inus-ben, mear hodi bele hetan atendimentu husi profisionál saúde sira. Wainhira sedu liu hatene se virus ne’e kona ita ka la’e, di’ak liu, hodi nune’e bele hetan atendimentu sedu liu, no prevene tama ba iha situasaun kritiku.

Apela ba jovem sira atu nafatin kuidadu-an, hodi la hetan da’et virus SARS-COV-2, husi ema ruma, wainhira la’o sai husi uma, hafoin da’et tutan ba ferik ho katuas sira iha uma-laran. Sira ne’ebé idade tinan 60 ba leten, no sira ne’ebé sofre ho moras seluk tan, vulnerável liu atu tama iha kategoria moderadu no grave, wainhira hetan da’et husi virus ne’e. Vit

 

Leave a Reply

Your email address will not be published. Required fields are marked *