Ministru Joaquin: Programa Sexta Bázika Atinji 80 %
Naunil Media (Díli), Ministrus Koordenador Asuntus Ekonomiku (MEKAE), Joaquin Amaral informa, programa Sexta Bázika atinji ona pursentu 80 (%).
Tuir Ministeru koordenador Asuntus Ekonomiku Joaquin Amaral Programa Sexta Bázika la’o normál tanba prosesu distribuisaun atinji to’o ona 80%, maske balun mak seidauk simu maibé sira sei esforsu.
“Kalkula benifisiariu to’o ona 1.3, ne’ebé la’o ona 80% ne’ebé ita fiar katak programa la’o normal nafatin, maibé depende tuir nian tempu”, dehan Ministru koordenador Asuntus Ekinomiku Joaquin ba Jornalista sira, iha resintu Parlamentu Nasionál (PN), kuinta (22/04).
Ministru ne’e hatutan, programa sexta bázika iha suku no munisípiu balun ne’ebé mak simu tarde programa ne’e tanba iha problema serka sanitaria(SS), tanba iha munisípiu ida ba munisípiu seluk tenke tuir regulametu oin-oin entaun tenke tarde.
“Programa la’o hela, serka sanitária ne’e munisípiu ida ba munisípiu seluk ne’e la fasil tanba tenke tuir swab no tenke tuir protokolu ne’ebé iha suku lubuk ida ne’ebé mak seidauk asesu no estrada dalan balun aat. Por exemplu munisípiu Viqueque ossu suku 3 ne’ebé seidauk asesu tanba estrada mak aat”, Nia informa.
Governante ne’e argumenta ba suku no munisípiu ne’ebé mak dalan aat sei haree udan been para sei halo kontinuisaun programa refere.
Joaquin husu, benifisiariu sira nia kontribuisaun hodi mantein distansia sosial no kumpri nafatin regra protokolu atu nune’e bele evita moras covid-19. Ivo
