Tenente Jeneral Lere: “Dezastre Naturál Fó Lisaun Bo’ot Ba Ita”

Naunil Media (Díli), Tenente Jeneral Falintil Forsa Defesa Timor-Leste (F-FDTL), Lere Anan Timu deklara, dezastre naturál ne’ebé akontese iha Timor-Leste ne’e  fó lisaun boot ba komunidade no  governu estadu tanba   hamate ema,  estraga uma no infraestura la bele hela besik liu iha fatin risku sira.

 Tenente  Jeneral, Lere Anan Timu ba jornalista sira, hafoin  enkontru regular ho Prezidente Republika (PR), Francisco Guterres ‘Lú Olo’, iha Palasiu Presidensial Nicolau Lobatu, Bairru Pité, kuarta (21/04).

“Populasaun  sira nain 40 resin mate ne’e, mate ne’e iha ne’ebé, sira mate ne’e rai tetuk ka mate iha foho leten. Maibé  ita haree katak maioria mate bee mak lori tanba besik mota balu rai mak hanean tanba hela iha foho ninin. Entaun  rai kuandu monu bele hanean sira. Tanba ne’e mak hanesan lisaun boot ida para aban bainrua lalika hela mota ninin, lalika hela foho lolon”, dehan Tenente Jeneral Lere.

 Tenente Jeneral Lere haktuir,  iha lagua  Tasi Tolu  ne’eba nia  mak kaer governu populasaun la hela ona iha lagua Tasi Tolu  tanba ne’e zona risku, haruka populasaun sira ba buka Fatin seluk para sira hela nomós   iha  Hera parte komponete Naval nian sorin bee tama ema main tolu mate nain rua hetan ona ida mak seidauk hetan.

“Iha   Hera ne’e sira labele hela ona, ha’u tau estaka ona tanba zona ne’e, zona risku tanba ne’e mak ita preve ba futuru porke sira mai Hela Tia, la kleur bee Mai sobu tan, Konta dehan tinan tinan halo hela deit”, nia fó hanoin ba populasun atu hadook an husi dezastre naturál.

 Lere husu, governu tenke tau atensaun ba  situasaun dezastre natural sira. Pau