Disputa Rai, Juventude Venilale Oan Husu Autoridade Lokal Iha Venilale Rezolve Lais
Naunil Media (Díli), Portavoz Juventude Venilale Oan (JVO), Juvencio Matos Guterres husu, ba adiministradór no autoridade lokál husi suku tolu Uatu-haco, Uailaha, no Uai-Oli postu Administrative Venilale Munisipiu Baucau atu rezolve lais problema disputa rai.
Tuir Juvencio, relasiona ho problema disputa rai ne’ebé akontese iha area Khirlita no Thoki-Boru entre suku tolu iha postu Administrative Venilale Munisipiu Baukau ne’ebé rezulta Lutu, Uma, Natar, no ponte hetan estragus.
Portavos Juvencio Matos Guterres ba jornalista sira liuhusi komunikasaun impreprensaun, iha Kaikoli, sábadu (24/04).
Joventude Venilale Oan (JVO) ne’e husu, ba autoridade seguransa liliu eskuadra Venilale atu asegura seguransa nune’e bele garante instabilidade no paz iha Fatin refere.
“Ami husi juventude husu ba polísia eskuadra Venilale servisu hamutuk ho autoridade lokal suku tolu nian asegura seguransa no toma medida lalais ba problema disputa rai ne’e. Tanba dadaun ne’e, mosu aktu hanesan, tuda malu, sobu Ponte, passa revista ba estudante, tolok hasai liafuan milisias, besi mera putih anti makasar no modiki ne’e hanesan aktus krimi diskriminativu”, dehan portavoz ne’e.
Nune’e reprezenta juventude Venilale oan, solisita ba parte autoridade munisipiu atu toma medida ba aktu refere hodi nune’e lideransa sira servi tuir Lei ne’ebé mak iha.
“Ami husu ba Prezidente autoridade Munisipiu Baucau tenke Toma medida emediatu ba aktus krimi no bandalismu ne’ebe dadaun ne’e akontese iha postu Venilale”.Tenik nia. JJF
