DNPKK-SEPS Ho PITL Apoia Nesesidades Bázika ba Família Afetadu Dezastre Naturál
Naunil Media (Díli), Sekretáriu Estadu Protesaun Sivil, liu-husi Diresaun Prevensaun Komflitus Komunitariu (DNPKK-SEPS), ho Plan international Timor-Leste, apoiu nesesidade báziku ba família afetadu Dezastre Naturál.
Diretor Jerál Sekretariu Estadu Protesaun Sivil Ismael da Costa Babo, hala’o Dialógu ho Komunidade afetadu ba Dezastre naturais, iha aldeia Ailok-laran, suku Hera, Postu Administrativu Cristu Rei, hodi rona komunidade sira nia halerik durante hasoru inudasaun iha loron 4 Fulan ne’e.
“Atu rona difikuldade ne’ebé maka komunidade enfrenta, hafoin inundasaun ne’ebé akontese iha Domingo loron 4, fulan Abril, Tinan ne’e, no esplika ba komunidade sira konabá kondisaun real ne’ebé maka sira hasoru,”dehan Diretor jeral, ba jornalista sira iha sagrada korasaun de Jesus Hera, Sexta (23/04).
Diretor jerál hatutan, nesesidade báziku no ekipamentus balun ne’ebé maka sira hetan husi parseiru sira hodi tulun ba vítima inundasaun sira.
”Apoiu mós nesesidades báziku ba vitíma Dezastre Naturais, inklui ekipamentus seluk ne’ebé antes ne’e, SEPS simu husi parseiru no ajénsia international sira hotu. Nune’e (DNPKK-SEPS) ho PITL maka Reintegra komunidade afeitadu Dezastre Naturál ne’ebé, iha sentru evakuasaun rezidensia Padre konventu Canossiana Hera ba komunidade ida-idak ninia hela fatin”, Ismael informa.
Diretor jerál informa, nia sei hato’o preokupasaun hirak ne’e ba parte kompetente hodi foti asaun imediatu sira ne’e.
“Hau sente triste oituan wainhira parte asistensia saúde la to’o iha fatin ne’e, maibé ida ne’e ami sei hato’o Diretor jerál saúde nia hodi foti asaun mai iha fatin ne’e”, nia promete.
Iha fatin hanesan, Padre Nivio Correia deklara, durante ne’e laiha atendementu ruma husi parte saúde ba komunidade sira, tanba ne’e husu ba Governu atu bele rona komunidade sira nia halerik.
“Ami maka ne’e, semana rua ona ami-nia kondisaun toba maka hanesan ne’e, buat triste ida mai ami maka, iha semana kotuk wainhira ita-nia inan-feton ida, atu partus iha dadersan antes parte Governu nian mai fó Abulansia no oferese pesoal saúde sira nia nomor mai. Maibé husi oras 2 ou 3 hanesan ne’e telfone ba ema sira ne’e la atende telefone”. teni nia.
“Entaun ita rona malu karik di’ak tulun malu, ami kontaktu no ami loke tiha ona posibilidade, ami fó ami-nia fuan tomak atu sira iha ne’e no ami husu ba Governu atu rona mós atan sira ne’e nia halerik, tanba seman 3 ona sira toba de’it iha semente leten”, Hakotu nia. Ana/Ipe