HWI Inisiativa Fó Apoiu Vitima Dezastre Naturál Uma Kain 30 iha Suku Metiaut
Naunil Media (Díli), Responsavel Asaun Karitativa Grupu Health wealth internasional (HWI), Eugenia Guterres do Rego informa, inisiativa apoiu ai-han nesesidade Bázika ba vitima Deszaste Natuirál hamutuk Uma kain 30, iha suku Metiaut postu Administrativu Kristu Rei, Munisipiu Díli.
Tuir responsavel Eugenia, espresa sentimentu solidadriedade apoiu ba maluk vitíma dezastre naturál nu’udar timoroan. Tan ne’e mak HWI hola inisiativa hodi apoiu ai-han bázika ba komunidade afetadu husi Inundasaun iha semana kotuk.
“Ami husi HWI ho inisiativa rasik mak halo asaun karidade hodi apoiu ba ita nia maluk sira ne’ebé mak foin lalais hasoru dezastre naturál la signifika katak ami riku liu. maibé nudar timoroan ami ho fuan no laran atu ajuda ita nia maluk sira hotu ne’ebe hasoru situasaun ida ne’e hodi bele hakman sira nia sofrementu”, Dehan Eugenia guterres ba jornalista iha suku Metiaut, sabado (24/04).
Nia haktuir, Fuan osan mean ho maluk feto sira halo asaun karidade ne’e tuir forsa no kbi’it ne’ebé iha hodi tulun netik vitíma sira hodi hakman sira terus.
Iha fatin hanesan, familia vitíma dezastre naturál Abita da conceicão husu, agradese tebes ba HWI ne’ebé apoiu ona aihan bázika.
“ami agradese tebes ba HWI nia apoiu ne’e maske barak ka oituan ami simu.” Dehan Vitima Abita
Iha sorin seluk hanesan, Delegadu aldeia karumgulau suku Metiaut Armando Coreia reforsa, apresia tebes ho asaun karidade husi grupu HWI tanba bele sustenta ona komunidade nian nesesidade lorloron.
“ami nia bairu ne’e iha uma 13 mak hetan estragu ka perigosu tebes no grave tebes, husi dezastre naturál foin lalais ne’e. Tanba ne’e ami agradese tebes ba kolega sira husi HWI ne’ebé iha hanoin ne’ebe furak. Ohin mai apoiu aihan ba komunidade sira hodi bele tahan netik sira nia nesesidade lorloron nian”, haktuir Lider ne’e
Entretantu apoia ne’ebé HWI fó mak hanesan hanesan fós ,mina no supermi. Ipe
