FEATUREDIkus LiuNewsSaude

Covid-19: Rejistan tan Kazu Komfirmadu Foun 52

Fahe Tutan

Naunil Media (Díli), Iha segunda (26/04) ne’e,  Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS),  Dr Rui Maria de Araújo informa, Sentru Intergradu Jestaun Krize (SIJK) resjista tan kazu komfirmadu pozitivu foun hamutuk na’in-52, rekupera nain-18 no kazu ativa baixa 1050.

Tuir Kordenador SJIK Dr. Rui, dadus jerál ba Timor-Leste tomak total kazu konfirmadu kumulativu iha loron 26  Abríl 2021 (sura husi 21 Marsu 2020) hamutuk na’in 1949, Kazu  detetatu  foun  ne’ebé  relata  iha  loron  26  Abríl  2021 hamutuk na’in- 52          (iha Dili 49, iha Munisipiu seluk 3).  Husi total kazu detetadu foun ohin mane 27, feto 25, husi total kazu detetadu foun ohin: 100% asintomátiku.

Husi total kazu detetadu foun ohin, 36 (69,2,1%) maka deteta tamba halo teste ho razaun atu halo viajen/ka halo ona viajen ba Munispiu  hafoin deteta pozitivu. Maski nune’e, sira ne’ebé rezultadu teste pozitivu husi grupu ida ne’e, maioria sira nia hela fatin, iha duni cluster sira ne’ebé iha kazu detetadu barak iha Munisípiu Díli.

  1. Kazu rekuperadu ne’ebé ralata ohin, dia 26 de Abril 2021: 18.
    1. Total kazu ativu ohin, dia 26 de Abril 2021: 1050.
    1. Husi horiseik mai ohin, hamutuk hotu Laboratóriu Nasionál Saúde halo 399 testes PCR, ho detalles hanesan tuir mai:
  2. Vijilánsia sentinela:12.
  3. Rastreiu ba kontaktu (Contact tracing): 9.
  4. Rastreiu Aleatoriu (Random Screening): 65.
  5. Viajen sai husi serka sanitária Munisipiu Dili:220.
  6. Viajen internasionál:42.
  7. Follow up iha quarentena: 51.

Enkuantu teste follow up ba sira iha fatin izolamentu: 59 (18 negativu ona, 41 sei nafatin pozitivu).

Dr Rui hatutan, evolui surtu Covid-19 iha munisípiu Díli Atu bele hatene surtu ida ninia evolusaun, no mós surtu ne’e aumenta ka diminui, indikador seluk ne’ebé matenek-nain epidemiolojia nian uza, maka insidénsia. Konvensionalmente insidénsia sukat total kazu foun kada loron pur 100 mil habitantes, no hatudu risku ne’ebé populasaun iha atu hetan da’et moras ida.   Loron hirak liu ba publika ona prevelénsia ne’ebé sukat persentajen husi ema ne’ebé detetadu hetan moras ida, iha populasaun nia le’et, no hatuku problema moras ne’e bo’ot to’o iha ne’ebé. Hahú ohin sei publika gráfiku insidénsia iha Munisipiu Dili:

“Husi ‘’spike’’ (tutun-meik) iha kór matak, gráfiku iha leten hatudu katak hahú fulan Marsu 2021 iha aumentu maka’as kazu detetadu iha Dili, hanesan ita hotu hatene ona, no hahú fulan Abril kazu aumenta maka’as liu tan. Durante loron 7 ikus, media (rata-rata) insidénsia Covid-19 iha Dili kada loron: 28,2/100 mil abitantes. Hanesan komparasaun, media insidénsia kada loron iha India 22.5/100 mil abitantes, Indonésia ninia media insidénsia kada loron maka 1,9/100 mil abitantes. Brasil ninian 27,4/100 mil abitantes no EUA 18,1/100 mil abitantes”, Nia hato’o.

Informasaun adisionál, Nia dehan, Iha loron 26 de Abril de 2021, izolamentu Vera Cruz iha kazu detetadu nain 20. Iha área obstetrisia nain 7, medisina interna nain 10, pediatria nain 3, Sira nain 7 iha obstetrisia, kategoria moderadu hotu, sira nia kondisun estável, Sira nain 10 iha medisina interna, 3 grave, 7 moderadu. Nain 3 grave ne’e, 1 uza ventiladór no rekupera di’ak kompara ho loron hirak liu bá, nain 2 seluk uza oksijéniu ho mask no Kazu 3 pediatria, 1 moderadu, nain 2 grave. Nain 2 grave uza CPAP, no 1 moderadu uza oxijéniu ho mask.

 

 Nia apela, ba populasaun iha Dili laran no mós iha Munisipiu sira seluk, atu aprezenta-an iha fasilidade saúde públiku (Sentru Saúde ka Ospitál) ne’ebé besik, wainhira sente isin-manas, ka kakorok moras, ka inus-ben, ka mear, hodi bele hetan atendimentu husi profisionál saúde sira. Wainhira sedu liu hatene se virus ne’e kona ita ka la’e, di’ak liu, hodi nune’e bele hetan atendimentu sedu liu, no prevene tama ba iha situasaun ne’ebé hanaran sindroma insufisiénsia respiratória aguda (SIRA), ka dada I’is susar. Vit

Leave a Reply

Your email address will not be published. Required fields are marked *