KE-KSDS Rekomenda Ba PR Hato’o Pedidu Ba PN Estende tan EE Dala 13
Naunil Media (Díli), Iha segunda (26/04) ne’e, enkontru entre Konsellu Estadu (KE) no Konsellu Superior Defeza No Seguransa (KSDS) rekomenda ba Prezidente Repúblika (PR) Francisco Guterres ‘Lú Olo’ hato’o pedidu ba Parlamentu Nasionál (PN) estende tan estadu emerjénsia ba dala 13 tanba dadaun númeru kazu kontinua aumenta.
Xefe Kasa Civil Francisco Maria de Vasconcelos ba jornalista sira hafoin remata reuniaun entre KE, KSDS no PR ‘Lú Olo’, iha Palásiu Prezidente Nicolau Lobato Bairru Pité, sengunda ne’e.
“Ohin dader reuniaun Konsellu Superior Defeza Seguransa remata reuniaun Konsellu Estadu i konsellu rua ne’e rekomenda ba Prezidente Repúblika hodi hatutan pedidu Guvernu nian ba Parlamentu Nasionál estende estadu emerjensia ba dala 13”, dehan xefe kasa sivil Francisco.
Francisco hatutan, Parlamentu Nasionál (PN) diskuti hodi deside atu estende ou la estende depois sira fó Prezidente Repúblika atu dekreta kona ba estadu emerjénsia
“Guvernu hato’o ona pedidu ba Prezidente Repúblika atu estende Estadu Emerjénsia tanba situasaun Covid-19 kada loron númeru sempre aumenta. Pedidu Guvernu nian husu atu estende estadu emerjensia bainhira observa ba situasaun Covid-19 ne’ebé mak agora iha sa’e makas tebes, husi transmisaun lokál ba ona transmisaun komunitariu hanesan hodi kalan sentru integradu jestaun krize”, nia haktuir.
Tanba ne’e nia dehan, ohin diskuti ona i sira rekomenda ba Prezidente Repúblika atu hatutan pedidu Guvernu nian ba Parlamentu Nasionál Medidas depende ba iha Parlamentu Nasionál depois Parlamentu Nasionál deside tiha i Guvernu foti medidas tuir dezenvolvimentu propagasaun virus Covid-19 iha rai laran.
Nia hato’o, Pedidu Estensaun se lalais ohin, ou aban dader Prezidente Republika sei haruka ba iha Parlamentu Nasional hodi deskute depois mak PR sei deside atu estende ou lae.
Entretantu partisipante iha Reuniaun Konsellu Estadu, Konsellu Superior Defeza No Seguransa mak hanesan Prezidente Republika, Francisco Guterres Lu Olo, Primeiru-Ministru no Ministru Interior Taur Matan Ruak, Ministru Defeza Filomeno Paixão, Ministru Justisa Manuel Cárceres, Tenente Jeneral F-FDTL Lere Anan Timur, Komisariu PNTL Faustino da Costa no Diretor Jeral Servisu Nasional Intelijensia Manuel Serrano.
Reprezentate no membru sira nomeadu husi Parlamentu Nasional mak hanesan Aderito Hugo da Costa, David Dias Ximenes, Abel Pires da Silva. Membru sira nomeadu husi Prezidente Republika mak José Manuel Fernandes ‘Nakfilak’ no Cristina da Silva.
Membru sira ne’ebe halo parte Konsellu Estadu mak Prezidente Repúblika Francisco Guterres Lú Olo, Eis-Prezidente Repúblika José Ramos-Horta, Eis-Prezidente Republika no atual Primeiru-Ministru Jeneral Taur Matan Ruak, Prezidente Parlamentu Nasional Aniceto Longuinhos Guterres Lopes.
Parte husi Konsellu ne’e membru sira nomeadu husi Prezidente Republika mak Óscar Lima, Alcino de Araújo Barris, Maria Dadi Soares Magno, Laura Soares Abrantes no Faustino da Costa.
Husi Parlamentu Nasional mak Eduardo de Deus ‘Dusae’ Aurora Ximenes, José Cornélio Guterres, Árcangelo de Jesus Gouveia Leite, Naimori Bucar no seluk tan.
Antes ne’e, Governu liu husi Konsellu Ministru propoin ba Prezidente Republika, Francisco Guterres Lú Olo atu renova Estadu Emerjensia (EE), ba dala 13. EE ba da-12 hahu iha loron 3 Abril no sei termina iha tuku 23:59 iha 2 Maiu 2021 iha teritoriu nasionál.* Jos
