PNTL Kaptura Sidadun Xinezas na’in-ida no Trabaladór Timor Oan lda, So’e Bandeira RDTL lha Lixu Fatin

Naunil Media (Díli), Iha domingu (25/04),Polísia Nasionál Timor-Leste (PNTL) eskudara dom Aleixu kaptura  sidadaun Xinezas na’in-ida na’in ba loja Gouming Mini Market L.DA  inklui traballadór timoroan tanba soe bandeira Republika Demokratiku Timor-Leste (RDTL) iha lixu fatin,  Iha Fatuhada, postu adiministrativu don Aleixu.

Tuir suspeitu Litisia da Silva haktuir nu’udar traballadór  iha loja Gouming Mini Market L.DA Fatuhada  nia konta kronolojia katak, nain loja Gouming Mini Market L.DA  maka haruka nia hamos  loja laran, entaun loja nain maka  haruka nia atu soe  lixu, depois nia lori dos  ne’ebe nakonu ho foer atu soe ba iha mota tanba sasán sira ne’e  dodok  hotu ona.

“Patraun duni ha’u maka  soe  tiha dos  maibé konaba atu soe bandeira ha’u laiha intensaun, tanba   bainhira ha’u lori  dos ne’e  atu ba soe, ha’u rasik la haree ida katak, iha dos ne’e nia laran  iha bandeira,”  dehan suspeitu Litisia  ba   Naunil Media,  iha loja Gouming Mini Market L.DA fatuhada Domingu ohin.

 Nia hatutan, bainhira  nia soe dos refere maka alin sira ne’ebé halimar besik  mota ne’e dehan  bin nusa maka soe fali badeira.

“Ha’u mós la hatene. Entaun  ha’u hakfodak, afinál iha dos laran, ne’ebé falun ho plastik mean  bandeira mak iha laran tanba  buat barak maka iha dos  nian laran iklui plastiku mean ida mas. maibé  momentu ha’u foti  dos  atu soe  ha’u hanoin dos laran ne’e mesak  sasan ne’eb’e soe nian   ne’ebé ha’u lakonsege haree”, dehan  Litisia.

  “Ha’u prontu ba hatan iha polísia tanba ha’u la hatene katak sasán sira ne’ebé maka ohin ha’u soe  ne’e lixu  atu soe tanba ne’e patraun rasik fó ba ha’u atu soe”.  Tenik nia. 

Iha akontesementu ne’e xefe suku Fatuhada Marcelino Soares haktuir,   nia parte kondena hahalok ne’ebé halo husi sidadaun ne’ebé soe bandeira RDTL.

“Ha’u ohin matan moras  ne’ebé toba hela, derepenti ha’u rona labarik sira hakilar  Xineza  nia kariawan ida so’e bandeira iha dos laran ne’e, maka  ha’u sai mai husu alin feto ne’e.    Prinsipálmente  nu’udar timor-oan labele nune’e tanba bandeira ne’e maka ema barak  terus to’ o ukun rasik a’am”,tenik Xefe suku Fatuhada Marcelino Soares.

Nia hatutan,   entrega prosesu ne’e ba polísia hodi prosesa tuir dalan legal ita la hatene se maka sala no se maka loos.

“Tanba ha’u mós la hare’e, ita hotu hein rezultadu investigasaun husi parte Polísia nian”, dehan Nia.

Entretantu   jornalista Naunil Media tenta konfima   loja Gouming Mini Market L.DA nia nain, maibé  la kohi fó komentariu.

Akontesimentu soe bandeira  ne’e PNTL eskuadra Don  Alaixo to’o kedas iha fatin akontesimentu hodi halibur evidensia no lori  suspetu Litisia da silva  inklui  loja nain   eskuadra Dom Aleixo hodi tuir  prosesu  investigasaun.Pau