Sosiedade Sivil Prontu Simu Vasina
Naunil Media(Díli), Forum organizasaun naun Govermental(FONGTIL), husi Luta hamutuk (LH) prontu simu ba vasina hodi kontribui ba nasaun atu livre husi moras covid-19 iha Timor-Leste.
Tuir peskizadora Elizeira Faby Gomes, wainhira Governu Timor-Leste oferese an tomak oinsa atu prevene moras covid-19 ne’e husi Nasaun ida ne’e.
“Nu’udar sosiedade sivil, ami prontu para atu kontribui, hodi bele mos sai hanesan ezemplar di’ak ida hodi konvida no hato’o espiritu ka vontade ba populasaun tomak atu bele partisipa mos ba vasina”, dehan peskizadora ne’e ba jornalista sira, iha kaikoli, segunda (26/04).
Iha fatin hanesan Diretor jeral Fontil Daniel Santos do Carmo haktuir tan, membru fontil presija vasina tanba konsidera sira mos hanesan front line tanba Ngo forum ho ninia membru sira mós fó ajuda atendementu Umanitaria ba komunidade buneravel sira ne’ebé maka afeita husi inundasaun.
“Halo monitoriu ba implementasaun Estadu Emerjénsia no implementasaun ba Serka sanitária. entaun konsidera Fontil mos hanesan lina frente. Tanba halo kontaktu ho staf sira, no halo kontaktu ba ema barak, ho razaun ne’e maka ita desidi hodi tuir vasina atu nune’ e ita bele seguru hodi kontinua halo servisu iha ita-nia rain”. Tenik Diretor ne’e.
Nia hatutan, tuir lista membru fongtil ne’ebe maka submete ba vasina hamutuk 50. Ina/Rit.
