SEKOMS Husu Rádiu Metro, presiza Habelar Informasaun Tó Baze
Naunil Media (Díli) Sekretáriu Estadu ba Komunikasaun Sosiál, (SECOMS sigla Portugés) Merício Juvinal dos Reis “AKARA”, enkorja, no husu atu Radio Metro FM atu fahe informasaun to ba iha suku hirak ne’ebé seidauk Asesu ba frekuensia media refere.
“Akara” hato’o lia hirak ne’e, bainhira hamutuk ho Diretór Diresaun Nasionál Promosaun Desenvolvimentu Media Lokál-DNPDML, Paulino Kintas, hala’o vizita no observa ba Rádiu Metro FM nia torre no transmisor, iha Bekora-Kamea, Dili.
Merício Juvinal dos Reis “AKARA”, hateten Rádiu Metro FM tenki sai naroman hodi bele transmiti lian to’o Munisípiu no Aldeia sira.
“Transmiti informasaun ne’ebé lo’os no kredivel labele ba de’it fatin espesifiku, tenki mós halo alargamentu ida hodi bele to’o tan suku seluk ne’ebé seidauk asesu ba frekuensia Rádiu Metro FM nia, esforsu ann nafatin hodi bele to’o iha suku no aldeia hotu,” dehan membru Oitavú governu ne’e iha Becora-Dili kuarta( 28 /04/ 2021).
Eiz Aktivista husi NGO Luta Hamutuk ne’e, husu ba Diresaun Nasionál Promosaun Dezenvolvimentu Media Lokál-DNPDML, atu kria mekanizmu di’ak hodi moderniza rádiu Metro FM hodi sai hanesan rádiu ho karakteristiku metropolitanio nune teritóriu sira bele asesu hotu.Nlo#
