Kazu Pozitivu Covid-19 Baixa Sa’e Ba 1123
Naunil Media (Díli), Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Dr Rui Maria de Araújo, informa kazu pozitivu covid-19 baixa ativu iha fatin izomentu sira sa’e ona ema 1123.
Tuir Dr Rui, Dadus jeral ba Timor-Leste tomak, kazu detetatu foun ne’ebé relata iha loron 29 Abríl 2021 rejista foun 66 (iha Dili hotu kedas), husi total kazu detetadu foun ohin mane 42, feto 24, husi total kazu detetadu foun ohin: sintomátiku nain 10; asintomátiku nain 56 (84,8%) no Husi total kazu detetadu foun ohin, 31 (46,9%) maka deteta tamba halo teste ho razaun atu halo viajen/ka halo ona viajen ba Munispiu ka ba estranjeiru hafoin deteta pozitivu.
“Total kazu konfirmadu kumulativu iha 29 de Abril 2021 (sura husi 21 Marsu 2020): 2190, Kazu rekuperadu ne’ebé ralata ohin, dia 29 de Abril 2021: 47.Total kazu ativu ohin, dia 29 de Abril 2021: 1123”, Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIGC-SS) Dr Rui Maria de Araújo hato’o asuntu ne’e Naunil Media asesu liuhusi nota imprensa SIJK, kinta (29/04).
Nia hatutan, Husi horiseik mai ohin, hamutuk hotu Laboratóriu Nasionál Saúde halo 952 testes PCR iha Dili, ho detalles hanesan Vijilánsia sentinela:34, Rastreiu ba kontaktu (Contact tracing): 112, Rastreiu Aleatoriu (Random Screening): 236, Viajen sai husi serka sanitária Munisipiu Dili:475, Viajen internasionál: 33 no Follow up iha quarentena: 62.
“Total testes PCR ne’ebé halo horiseik dia 28 de Abril iha Munisipiu sira seluk hamutuk 374, ho detalle hanesan tuir mai: (a) Maubisse:115; (b) Maliana: 50; (c) Viqueque:63; (d) Suai: 63; (c) Baucau:115”.nia informa.
Ikus nia apelu ba populasaun iha Timor-Leste laran tomak atu tu’ur hakmatek, kumpri ho rigor regra serka sanitaria no konfinamentu domisiliáriu ne’ebé Konsellu Ministru deside ona atu implementa, no kolabora ho autoridade saúde sira hodi bele buka-tuir ema hotu ne’ebé hetan da’et ona virus ne’e no izola husi ema ne’ebé seidauk hetan da’et tutan. ipe
