PR Lú Olo Fó Komfiansa Nafatan Ba Deolindo Mantein PTR
Naunil Media (Díli), Prezidente Repúblika (PR) Francisco Guterres ‘Lú Olo’ kontinua fó komfiansa ba Deolindo do Santos hodi mantein pozisaun Prezidente Tribunal Rekursu (PTR).
“Ha’u hein no dezeja katak Ita-Boot sei kontinua ita nia misaun hodi ho dalan diak liu ita bele, ho konesimentu no intelijensia hatudu ona, ho forsa konviksaun nian, kompetensia, dedikasaun no espíritu misaun hatudu ona durante períodu mandatu dahuluk nu’udar Prezidente Tribunal Rekursu”, dehan Prezidente Republika (PR), Francisco Guterres ‘Lú Olo’ ba jornalista liuhusi diskursu tomada de pose, Iha Palásiu Prezidente Nikolau Lobato, Bairru Pité, kinta (29/04).
PR Lú Olo hatutan, iha konfiansa boot ba juíz Deolindo dos Santos no mós iha koletivu Juíz sira iha Tribunál Rekursu, Juíz esperiente sira ho meritu rekonesidu ona no hatudu liu husi sira nia lalaok no progresaun durante sira nia karreira.
Lú Olo afirma, Orgaun Estadu nian no Povu emjerálmente sei akompaña beibeik knaar husi PTR husi koletivu juíz sira tomak ne’ebé halo parte ba, oinsa halao kna’ar loro-loron atu haforsa Justisa iha Timor-Leste.
“Ha’u pesoalmente, sei fó tempu nafatin no sei fó apoiu tomak ne’ebé presiza ba knaar husi juíz Deolindo dos Santos ne’ebé ohin hahú hikas fali nu’udar Presidente Tribunal Rekursu. Parabens no votus ho laran ksolok atu hetan susesu boot liutan durante ita Boot ninia mandatu ida tan, ba halao justisa lais liu no hakbesik liutan ba sidadaun sira”, nia hato’o.
Xefe estadu ne’e informa, motivu ohin hamutuk iha serimónia tomada de Posse PTR nu’udar sinal importante husi esforsu ba beibeik atu promove justisa la’o lalais liu, ho kualidade diak liu no hakbesik liutan ba sidadaun sira.
PR klarifika, iha artigu 119, Konstituisaun RDTL hatuur katak tribunal sira independente no hakruuk los de’it ba konstituisaun no lei. Independénsia tribunal sira-nian prinsípiu fundamental ida iha prosesu atu garante defeza direitu no interese sidadaun sira nian tuir lei haruka.
“Tribunal Rekursu, nu’udar tribunál segunda instansia, nune’e nia maka tesi no hakotu rekursu husi primeira instansia, mai husi Tribunal Distrital sira. Ninia inportansia sa’e tanba hala’o hela tranzitoriamente kompetensia tomak husi supremu Tribunal Justisa nian, ne’ebé seidauk hari’i no seidauk hahú nia servisu”, nia akresenta.
Iha fatin hanesan Prezidente Tribunal Rekursu (PTR) Deolindo dos Santos hato’o nia agradese ba Prezidente Republika ne’ebé fó nafatin Komfiansa ba nia hodi lidera nafatin nu’udar PTR.
“Ha’u senti orgullu ba Prezidente Republika ne’ebé mak fó konfiansa no depozita mai ha’u. Ha’u alegria mós ba iha família ministeriu públiku tomak fó felisidade ba prokurador repúblika sesante, aumesmu tempu iha alegria. Maibé tenki iha mós responsabilidade simu kargu ida todan sakrifisiu ida sei infrenta”. Deolindo haktuir.
Nia dehan, prokurador jerál mesak labele realiza mehi ho partila operasaun husi tantu korpu família ministeriu públiku nian no kuadrus ministeriu publiki nian no relevante hanesan orgaun Polísia Kriminál, Polísia Sientifika KAK no Polísia Nasionál Investigasaun, i hotu- hotu nian, presija apoiu maka ministeriu públiku lori justisa ba oin hamutuk ho tribunal sira. Jos
