Kondutór Transporte Públika, Husu Governu Loke Dalan

Naunil media (Díli), Relasiona implementasun Serka Sanit’aria iha Díli, Kondutór Tranporte Públiku,  Adão de Deus,   husu ba governu atu  loke dalan publiku    tanba durante implementa serka sanitária   difikulta tebes ba kondutor sira hodi buka moris sustenta ba  família uma laran.

“Ba ami  transporte  publiku husiu mikrolet  01 to’o  12  ami ijije ba governu  durante estadu emerjénsia   ami terus tiha  ona.  Depois  dalan la loke  ami hela iha kost,   ami atu  han saida  estadu la  tau matan ba ami”, Asuntu ne’e hato’o husi kondutór   Adão de Deus ba jornalista sira, iha palasiu governu nin ia oin, sexta (30/04).

Adao hatutan, durante  hahú estadu emerjénsia primeiru kondutór sira  hatama dukumentu ba iha Ministériu Sosidaridade Sosial no Inkluzasaun (MSSI)  la hetan subsídiu tanba ne’e   husu ba governu la bele taka dalan.

“Ami konserta iha fatin ida ne’e,  ami husu ba governu  labele taka dalan  ba ami  povu ki’ik halai tranporte públiku mak  foin ami han  no selu kost ami  la tane liman ba ema ida  no ba governu”, nia hato’o.

Nia sujere, se governu taka dalan   tenki  fó subsídiu  ba kondutór hodi sustenta ba nesesidade.

“Se karik  hapara trnsporte ami atu han  saida  depois  loke dalan loron rua  no tolu deit taka fila  fali,   ami hasoru  susar  ami  husu ba   sua  exelensia Fidelis Magalhaes   Leite    tafui kaben labele lambe fali”,  nia haktuir. 

Nia dehan,“ iha momentu  Fedelis   dehan transporte publiku hatama dukumentu  ami  lakon osan lima nulu trata dukumentus  loke banku to’o agora ami la hetan osan  ami  sek zero total  to’o agora  ne’e mak ami husu ba governu”.

Nia afirma,   se karik governu taka dalan nafatin   no    la iha solusaun ba kondutor  sira  organiza malu  para kareta  iha Parlamentu Nasionál nian oin tanba  la konrda    hatama dukumentu iha tinan 2020  ate  agora la hetan resultadu.

Iha sorin seluk  kondutor 03, Aniceitu  do Santos  haktuir,  husu  ba governu tau  matan netik ba  kindutór  estadu emerjénasia primeiru ne’e  governu promete  ba    kondutor hetan subsidiu  maibé to’o agora  la hetan.  

“Agora governu taka dalan tan ne’e governu  nia hanoin  ba ami  ne`e halo nusa ami hetan osan husi ne’ebé, se bainhira ami  la halai kareta  ami hela iha kost ne’e ami foti osan iha ne’ebé atu selu   hola  fos no modu”. Tenik nia.   Leo/ina