Serka Sanitária, Pasiénte Sofre Fuan Alipio Labele Bá Tratamentu iha HNGV
Naunil Media (Díli), Pasiénte sofre fuan husi suku Alawa Leten, postu adiministrativu Bagia, munisípiu Baukau, Alipio Macabeu Guterres infrma, durante implementa serka sanitária hasoru difikulta tebes tanba labele ba Hospital Nasionál Guidu Valadere (HNGV) hodi simu Ai-moruk no tratamentu saúde.
Tuir Alipio kada fulan tenke simu ai-moruk moras fuan nian maibé governu implementa Serka sanitária difikulta bá Díli simu Ai-moruk no halo tratamentu moras iha HNGV tanba ai-moruk moras fuan iha iha hospital referal Baukau no postu saude ne’e la iha.
“Ha’u-nia vida depende de’it ba ai-moruk ne’ebé hau tenke komsumu kada fulan simu aimoruk hanesan sinvastatin, bisoprolol, catopril no amlodopine ai-moruk ne’e iha hospital refereal Baukau no iha sentru saúde postu Bagia mós laiha hotu, iha hospital Gidu valdares mak iha”. Dehan Pasiénte sofre fuan Alipio Macabeu Guterres ba Naunil Media liuhusi via telephone, segunda foin lalais ne’e.
“Ohin loron ha’u la bele ba halo tratamentu iha Díli tanba serka sanitaria, tanba ne’e ha’u husu ba governu liu-liu ministériu saúde distriui aimoruk sofre coração nian mai postu saúde Bagia atu ha’u bele simu hodi auguenta moris”, Alipio sujere.
Pasiénte sofre fuan Alipio Macabeu Guterres ho idade 56, enfrenta ba moras fuan iha tinan 2011 to’o agora besik tinan 10, durante implementa serka sanitaria iha Baukau no Díli pasiente sofre moras fuan ne’e labele halo tratamentu ba nia saúde no simu ai-moruk.
Tanba ne’e nia husu, Ministériu Saúde atu distribui aimoruk ba sentru saúde sira hodi hafasil pasiénte sira simu ai-moruk. “Ha’u rona dehan moras Covid-19 ne’e perigu liu ba ami ne’ebé idade 50 ba leten, tanba ne’e ha’u hakraik ba ministra saúde distribui ai-moruk ba, ami labele ba Díli serka sanitári aumetan tan, transporte limitadu”. Tenik nia. Ipe