Vítima Dezastre Naturál Uma Kain 490 Iha Suku Bekora Sei Desloka Ba Bairo Foun

Naunil Media (Díli), Vítima dezastre naturál  ne’ebé akontese foin lalais ne’e, uma kain hamutuk 490 husi suku Bekora Postu Administrativu Kristo Rei, Munisípiu Díli, ne’ebé sira nian uma hetan estragus total  sei muda ba bairu  foun.

“Foin lalais akontese inundasaun uma kain iha suku Becora hamutuk 490 mak hetan estragus total, tuir planu sei muda ba bairu foun, Tamba fatin ne’ebé sira hela ba perigu tebes bainhira udan bo’ot”, Dehan xefe  suku Bekora Antonio da Silva Soares,   Media iha  Suku Bekora, sexta (30/04).

Nia haktuir,   dadus afetadu total ne’e Konsellu  Suku hatama ona dadus ba Postu Administrativu no Munisipiu Díli to’o Estatal, nune’e bele hetan ajudus husi Governu.

Komunidade hirak ne’e, dadaun ne’e sira sei hela provijoriu iha Eskola Sabraka Laran ho Igreja Bekora

Xefe suku ne’e deklara, agora ba oin sei la autoriza ona komunidade iha suku Bekora halo uma iha mota ninin, se mak halo uma mota ninin responsabiliza rasik. Latu