Ekipa Liña Frenti Laiha Karta Autorizasaun, PNTL Munisípiu Díli Sei Kaptura

Naunl Media (Díli), Xefi ekipa apoiu Kuartel Jerál, polisia Nasionál Timor-Leste (PNTL), Superintendente Polisia Antonio da Luz, İnforma PNTL munisípiu Díli sei foti medidas rigorozu ba sidadaun ne’ebé viola regras serka sanitária iha sidade Díli inklui ekipa lina frenti sira.

“Hahu aban ba sira ne’ebé ba servisu, atu lao lori karta autorizasaun ruma husi sira nia diretór, mesmu ekipa frontline rasik, se sira laiha karta autorizasaun ruma polisia foti medidas forte tanba ida ne’e regras Guvernu nian,” superintendente Polisia Antonio da Luz ba jornalista sira iha Palásiu Governu, domingu (02/05).

Nia hatutan, dadun ne’e tama ba loron dahat sira kontinua hala’o sensibilizasaun regra organizasaun saúde mundial (OMS), no rezolusaun Guvernu nian ba komunidade sira iha kapital Díli.

“Liu-liu ba transporte sira ne’ebé tula ema, no mós ba fatin sira ne’ebé halibur ema barak iha área sira hanesan Culuhun, Palásiu Guvernu nia oin, Ministeriu Estatal, no Hudi Laran”, tenik nia.

Iha biban ne’e nia-parte, husu ba komunidade sira atu kontinua tenke uza maskra ho lolos, fase liman bainhira tama iha fatin públiku sira, no kumpri distansia sosiál, nia deklara.

Ikus liu nia husi ba komunidade sira atu labele halo ezersisiu iha fatin públiku liliu diresaun tasi ibun. Ana