Governu Implementa SS no EE, Fó Impaktu Ba Traballadór no Vendedór

Naunil Media (Díli), Relasiona rejoluaun governu Implementa Serka Sanitária (SS) no Estadu Emerjénsia bad ala-13 ba prevensaun surtu Covid-19, Sekretariu Konsellu Politika Nasionál Partidu Demokratiku (CPN-PD), Manuel de Carbalho ‘Lito Rambo’ informa, governu impelementa SS no EE fó impaktu ba traballadór no vendedór sira susar buka moris.
Sekretariu Konsellu Politika Nasionál Partidu Demokratiku (CPN-PD), Manuel de Carbalho ‘Lito Rambo’ ba Naunil Media iha ninia rezidénsia, Pantai Kelapa, sábadu (30/04).
Tuir CPN-PD Manuel, uluk governu aplika serka sanitária konfinamenru obrigatóriu agora tama tan ba konfinamentu dominisilariu katak ema hotu iha uma de’it la iha atividade ne’ebé nesesariu inportante iha uma de’it, labele vizita malu so nesesariu liu ba sosa sasán iha loja, merkadu bele ba.

“Implementasaun ne’e, fó impaktu makaas ba ema vendedór no traballadór sira lakon nian oportunidade hanesan motorist, taxista no ema sira ne’ebe kaer projetu ne’ebé fó empregu ba traballador sira hodi fó moris ba família sira”, Dehan Manuel.

Lito Rambo hatutan, iha Timor-Leste ema lakon oportunidade atu hetan servisu, maibé hanesan ita hotu hatene katak surtu covid-19 invade mundu tomak inklui Timor-Leste apezar ita-nia ema foin mate nain rua ka tulu ita presiza luta bo’ot koletivu hasoru covid-19.

“Agora regra saida de’it mak governu aplika ne’e, jestaun konpetensia governu nian, maibé governu presiza tetu atu nune’e povu labele lori konsekuensia”, Juventude Rejistensia ne’e sujere.

Nia husu, governu tenki tau kondisaun ba munisípiu sira ne’ebé mak aplika konfinamentu dominisilariu ne’e inan aman sira la hetan rendimentu.

Nia fóz zemplu hanesan ita-nia inan aman sira ne’ebé mak la iha rendimentu governu presiza tau kondisaun ba sira. Estatikamente governu hatene sidadaun sira ne’ebe mak hela iha Díli, Baukau, Ermera, Maliana Vikeke no munisipiu seluk.

“Ema hira mak funsionariu públiku, emprezariu no hira mak iha rendimentu no ema hira mak la iha rendimentu tebe-tebes estatitikamente governu hatene tenki tau kondisaun hanesan uluk governu tau osan uma kain ida $ 100 tuir mai $ 200 agora ne’e hanesan aplika iha primeru de’it tuir mai subsídiu lakon”, Nia realasa.

Nia hateten, regra saida de’it mak governu aplika la buat ida tanba presiza luta duni hasoru covid-19 maibé governu nia regra ne’e labele fó efeitu ba komunidade sira ne’ebe vunerabel liu.

“Hau sujere ba governu no parlamentu atu bele haree kondisaun ba ita-nia inan aman sira ne’ebé vunerabel liu la’ós lakukan merata, maibé ba sira ne’ebé vulneravel liu tanba iha konstituisaun RDTL garante direitu moris ba ema sidadaun ida.

Diretu ne’e estatu mak tenki fó no tenki garante liu husi kampu de traballu no garante subsídu iha situasaun iha hanesan ne’e. Tanba nasaun sira barak iha mundu ita la’ós nasaun foun sei kiak hela, maibé ne’e la’ós razaun”. Tenik nia.

Ikus nia dehan, partidu ida hetan lejimidade liu husi elisaun ne’e katak povu mak fó fiar ba sira atu jere povu nia vida ne’ebé konstituisaun estadu mak tenki garante ninian liberdade garante servisu no sira nian moris. Labele viola povu nian direitu lei, direitu moris ne’e konstituisaun garante tiha ona ne’ebe la bele viola, estadu tenki fó kondisaun ba sira la iha razaun. Ipe