Apoiu AstraZaneca Husi Australia 20 mil To’o ona TL
Naunil Media (Dili), Ai-moruk vasinasaun AstraZaneca 20 mil e tal ne’ebe apoiu husi Nasaun Vizino Australia to’o ona Timor-Leste (TL).
Aimoruk AstaZaneca 20 mil Dozes ne’ebe mak apoiu husi nasaun Australia to’o Aeroportu Internasional Nicolau Loabato Comoro, Ho Aviau QANTAS spirit of Australia Marka VH-XZC, BOEING 737-800, tuku 12:00 meiudia
“Vasina AzstraZeneca ne’ebe governu Australia Apoiu ba Timor-Leste hamutuk 30 mil dozes no ohin to’o ne’e 20 mil doze mak to’o uluk, No semana rua mak doasaun 10 mil dozes to’o tan mai,” dehan Emabaixador Australia ba Timor-Leste Peter Roberts ba jornalista sira Iha sala VIP Aeroportu Comoro Quarta, (05/05)
Apoiu ida ne’e kontribuisaun husi governu Australia hodi tulun vasina ba populasaun Timor-Leste 80% ne’ebe mak la kobre hosi COVAX.
Vasina AstraZeneca ne’e produs husi Australia no povu Australia mos simu vasina ida ne’e, Apoiu ne’e sei kontinua fó doasaun ba governu Timor-Leste liu hosi UNICEF atu bele kobre ba iha populasaun sira iha Timor-Leste tomak, tanaba vasina mak dalan uniku atu manan pandemia ida ne’e”,tenik Embaixada Autralia TL
Nia hatutan, vasina ida ne’e apoiu adisonal hosi fundus Australia nian ne’ebe mak apoiu ba governu Timor-Leste liu hosi WHO no UNICEF atu halo implementasaun ba kamapaña vasina.
Iha fatin hanesan Ministra Saude (MS), Odete Maria Freitas Belo lori governu TL Nia naran Hato’o agradesimentu ba governu Australia tanba bele apoiu ona vasina AstraZeneca ida ne’e mai iha Timor-Leste.
kontribuisaun ida ne’e laos hosi governu Australia deit maibe reprezentante nasaun hotu-hotu nia embaixada iha Timor-Leste.Lpi
