FONGTIL Kestiona PNTL Akademi Comoro Obriga Sidadaun Swab Test
Naunil Media (Dili), Forum ONG Timor-Leste ( FONGTIL), Kestiona aprosimasaun ne’ebe Polisia Nasional Timor-Leste (PNTL), Akademia Comoro halo auto Stop no obriga sidadaun sira halo Swab Test no ikus mai hamosu dezentendimentu entre sidadaun ho PNTL akademia Comoro.
“Relasiona ho Swab Test ne’ebe propoin husi Sentru Intergradu Jestaun Krize (SIJK), katak halo Swab Test obrigatoriu ba sidadaun sira hotu iha Munisipiu Dili, Inisiativa pertenente ba prevensaun covid-19, Informasaun ne’e Naunil Media Asesu iha Karta nota husi FONGTIL Quarta, (05/05).
Relasiona situasaun ne’e FONGTIL fo hanoin ba SIJK ho Ministeriu saude (MS), kordena no Ministeriu Estatal (ME), hodi halo kolaborasaun ho estrutura lideransa komunitaria iha suku atu estabelese sentru Swab Test.tenik KI
“Hadia mos sistema atendimentu Swab Test iha SIJK no garante atendimentu lais ba sidadaun sira”.
Hadia prosesu instalasaun laboratoiu iha munisipiu hodi fasilita Swab Test munisipiu sira hotu tamba kapasidade laboratoriu nasiona labele responde ho Laos.
Ikus liu husu ba prokuradoria direitu jeral da republika Provedoria Direitus Humanus e Justisa (PDHJ), atu defende sidadaun sira nia direitu PDHJ tenke agresivu liu tan la ativu iha Implementasaun Estadu Emerjensia.
Governu presiza aplika ona medida sira ne’ebe SIJK propoin ba governu liliu aselera lalais subsidiu ba sodadaun sira. Remata
