FEATUREDIkus LiuNewsPolitika

Reabilitasaun Aeroportu Baukau Desizaun iha Guvernu

Fahe Tutan

Naunil Media (Díli), Relasiona reabilatasaun aeroportu Baukau, Xefe estadu Maiór Falintil Forsa Defeza Timor Leste (F-FDTL) Tenente Jeneral, Lere Anan Timur informa, Reabilitasaun ba aeroportu Baukau ne’e desizaun iha governu.

Tenente Jeneral Lere Anan Timur ba jornalista sira hafoin remata somutu seminal ho Prezidente Repúblika (PR) Francisco Guterres ‘Lú Olo’, iha Palásiu Prezidensial Nicolau Lobato Bairru Pité, kuarta (05/05).

“Aeroportu Baukau ne’e agora desizaun iha governu nian, ba ha’u-nia hakarak ne’e tenke halo. Sé Estadus Unidus Amérika (EUA) iha ona vontade atu halo ne’e halo ona, agora governu mak tenke halo akordu didiak entermu linguazen iha akordu ne’e mak tenke diak. Atu futuru mai labele kria fali konfuzaun”, Dehan Tenente Jeneral Lere Anan Timur.

Tenente Jeneral Lere Anan Timur hatutan, uluk nia ho Komandante Pasífiku ko’alia Aeroportu Baukau ne’e bele apoiu ezersisiu harii hamutuk tanba hamutuk ne’e lori umanitáriu sasán todan no simu aviaun boot Aeroportu Díli labele.

“Maibé, uluk ami nain rua Komandante Pasifíku ninia, ami nain rua koalia ne’e Aeroportu Baukau atu bele apoia ezesrsisiu harii hamutuk tinan tinan, tanba harii hamutuk ne’e mai husi humanitáriu lori sasan todan, no sasan boot ne’ebé ita-nia Aeroportu Dili labele simu aviaun boot”, Líder F-FDTL ne’e haktuir.

Lere dehan, bainhira ezersisiu harii hamutuk hodi fasilita aviaun boot tun iha ne’ebá, maibé depois ikus mai mak ida-idak halo nia interpretasaun horsida Amerikanu sai fali nain ba iha Aeroportu Baukau.

“Ha’u dehan ita Timor mak na’in la’ós Amérika nem Indonézia, bainhira ita lakohi ne’e ema ida labele sai nain ba Aerportu Bauaku”, dehan nia
Alende ne’e Tenente Jenerél Lere Anan Timur informa, Rekrutamentu ba membru F-FDTL foun hakarak ka lakohi agostu 2021 tenke halo tanba F-FDTL katuas hotu ona, tropa fuuk mutin de’it la di’ak.

“Ha’u hatete ba Ministru Defeza hanesan membru governu uluk ita dada rekrutamentu ne’e ba Marsu, Abríl, Maiu Juñu ba Augostu mak ne’e ona la dada tan. Razaun muda ba fulan Agostu tanba ida bele dehan osan mak komplikadu uitoan la’ós Covid-19. Bainhira ema tama ona Metinaru ne’ebá ne’e milítar ami kontrola di’ak ne’e la’os hanesan populasaun ba kuarentena ne’ebá orasida dansa, tebe, toka vióla iha ne’ebá, militár orden ne’e orden”. Tenik Lere. Jos

Leave a Reply

Your email address will not be published. Required fields are marked *