Tenente Jeneral Lere: Covid-19 Halo Ema Estres
Naunil Media (Dili), Xefe estadu Maiór Falintil Forsa Defeza Timor Leste (F-FDTL) Tenente Jenerál, Lere Anan Timur informa, situasaun Covid-19 iha Timor-Leste halo ema barak mak sai estres.
Xefe estadu Maiór Falintil Forsa Defeza Timor Leste (F-FDTL) Tenente Jenerál, Lere Anan Timur ba jornalista sira hafoin aktualiza situasaun no situasaun Covi-19 ba Prezidente Repúblika (PR) Francisco Guterres ‘Lú Olo’, iha Palásiu Prezidensial Nicolau Lobato Bairru Pité, kuarta (05/05).
“Ohin ami nain rua komandante Polísia ho nia segundu komandante hasoru Prezidente Repúblika hodi informa liuliu situasaun rai laran. Iha sorumutu ne’e ami ko’alia liu Covid-19, Corona ne’ebé mak halo ema barak estres no dehan ita la kontenti, la kontenti tanba ema seidauk mate ka la’e kuandu ema mate ne’e estres nia fatin mak tauk”, Dehan Tenente Jeneral Lere Anan Timur.
Tenente Jeneral Lere hatutan, Komadate Jeral PNTL ho segundu komandante aprejenta ba Prezidente Repúblika situasaun akontese dala ruma juventude, populasaun revolta kontra polísia, Pur ezemplu foin dadauk dehan polísia tiru joven sira iha Markarinas depois dehan katak agora sala, ONG dehan polísia sala tanba tiru ema ne’e los.
“kuandu baku ema tiru ema ka oho ema ne’e krime, maibé sira nu’udar komandante seidauk fó sala ba membru no to’o prosesu final mak sira fó sala la’ós públiku mak fó sala”, Lere deklara.
Lere husu, ba joven no komunidade tenki komprende tanba Corona ida ne’e stadu guvernu la jere didiak situasaun ida bele halo ema estres, ema sai deskontenti.
“Purke ha’u lafiar ema ida metin liu iha uma laran semana ida rua ne’e sei auguenta. Maibé, ha’u hanoin katak aban-bain-rua ita-nia guvernu sei toma medida kona ba situasaun konkreta kona-ba Covid-19 nian”. tenik Lere.
Ikus nia dehan, invez apoiu malu, dala ruma halo polísia mak sai estres mós iha, bainhira estres hurlele imi dehan violasaun direitus umanus signifika baku ema ne’e. vióla direitu umanus, maibé mós iha nia esplikasaun bainhira merese atu baku duni ne’e mak joven, populasaun tenke koopera ho seguransa. Jos
