CCT Oferese Kafé Timor Tonelada-5 ba SEPS, Apoiu Vitima Inundasaun.
Naunil Media (Díli), Kooperativa kafé Timor (CCT), oferese kafé Timor ba Sekretariu Estadu Protesaun Sivil (SEPS-sigrala portugues ) hodi apoiu ba Vitima inundasaun ne’ebé akontese iha loron 04 fulan abril liu.
Tuir Diretór Kooperativa Kafé Timor (CCT) Sisto Moniz, Piedade hateten foin dadaun sira hetan tan fundus husi Novazelandia atu nune’e bele fornese kafé huut ba vitima inundasaun liu husi SEPS.
“ ami hetan fundus husi sira para atu fornese kafé huut ba ita nia maluk sira ne’ebé mak hetan inundasaun iha fulan hirak liu ba, ita hatene katak Timor ne’e gosta hemu kafé mas durante ami haree hela de’it seidauk lori mai, tanba ita hein ita nia plasstik” dehan Diretór Kooperativa kafé Timor (CCT) Sisto Moniz Piedade ba Jornalista sira iha Resintu Sekretariu Estadu Protesaun Sivil (SEPS), Sesta 07/05
Nia mós dehan CCT halo servisu parseria hamutuk ho embaisada Novazelandia durante ne’e sira hetan fundu husi Novazelandia hodi halo reabilitasaun ba kafé.
“hanesan hau dehan antes ne’e ami hetan fundus Newzeland fornese kafé tanbá ami servisu hamutuk sira kleur ona kuaze tinan barak ona ita bo’ot sira hatene ami hetan fundus atu halo reabilitasaun de kafé foindadaun ami hetan tan fundus husi sira, para fornese kafé huut ba maluk sira ne’ebé vitima ba inundasaun”, informa nia
Diretor ne’e mós informa kafé ne’ebé oferese ba iha SEPS hodi apoiu ba vitima inundasaun ho 5 mil / 5 tonelada no faze segundu mós 5 tonelada ho total hamutuk 10 tonelada.
Iha fatin hanesan Sekretario Estadu Protesaun Sivil (SEPS) Joé Gusmao hatete ohin hetan apoi husi CCT no Novazelandia ne’ebé apoiu kafé primera Faze 5 mil pakotes no faze Segundu mós sei iha tan.
“ohin hanesan ita hatene ita reativa ita nia sentru operasaun ba dezastre ida ne’e desdeprimeru dia ona ita husu para apoiu hotu ne’ebé maka fó ba ita nia komunidade ne’ebé mak afetadu ba inundasaun liu husi protesaun sivil para bele ba los komunidade sira afeitadu” dehan SEPS. IVO/IPE
