Australia Apoiu Tenda 220 To’o Ona iha Aeroportu TL
Naunil Media (Dili), Aviaun My Jet Xpress Airlines ho Marka 9M-NEY tula tenda apoiu umaniraria husi Australia hamutuk 220 To’o ona iha aeropotu Timor-Leste (TL).
Aviaun refere tula apoiu umanitaria mai Timor-Leste ne’e to’o iha aeroportu internasional Presidenti Nicolau Lobato Comoro mais ou menus iha tuku 14:28 meudia.
Tuir Diretór jerál sekretariu estadu protesaun sivil (SEPS), Esmael Babo hateten ohin loraik aviaun to’o iha Díli husi Australia mak mai ne’e transporta Apoiu umanitaria.
“Apoiu umanitaria ne’e Governu Timor Leste hetan apoiu husi governu Australia, no kordena hamutuk ho world food Progranmme (WFP) no mós organizasaun Mundial Saúde (OMS) ne’ebé mak base iha Australia transporte tenda 220 ne’ebé mak ohin loron too iha Díli”, dehan Diretór Jerál Sekretariu Estadu Protesaun Sivil Esmael Babo ba jornalista Sira iha Aeroportu Comoro, Sabadu (08/05)
Nia haktuir, tenda Sira ne’e prioridade ba vitima no maluk sira ne’ebé uma estragus total, distribui ba sira bele ba fali sira nia hela fatin to’o hein rekopera.
“Maioria tenda de’it ba familia, aban ha’u sei halo despaixu forma ekipa Teknika husi protesaun sivil sei hetan formasaun espesifiku ho WFP Sira pratika, bainhira halo distribuisaun ami nia ekipa sei ba monta ba familia sira ne’ebé uma hetan estragus total”, Tenik nia.
ikus liu, nia dehan tanba 220 de’it uma estragus iha Dili ne’e kuaze 500 resin ona. Ita esperan katak 500 ne’e seidauk kobre 220 ne’e maibé ita halo jestaun oinsa fó prioridade vitima dezastre naturais nune’e sira bele evakua ba sir ni hela fatin, Nia hakotu. Ipe
