Embaizadór Austrália iha TL, Husu Povu Lalika Paniku Vasina AstraZeneca
Naunil Media (Díli), Embaizadór Austrália iha Timor-Leste (TL), Peter Roberts, Husu populsaun Timor-Leste labele tauk atu tuir vasina AstraZeneca, tanba vasina ne’e rasik aprova husi Organizasaun Mundial Saúde (OMS).
“Vasina ne’e OMS Aprova ona konselu Ministeru aprova ona, no uza ona iha Austrrália, entaun ha’u kontente tebes atu simu vasina ho ha’u nia kaben mós simu ona, ha’u nia ekipa simu vasina no ha’u ekoraja ema hotu hotu atu tuir vasina tanba liu husi vasina bele luta kontra Corona virus” Hateten Embaizadór Austrália iha Timor-Leste Peter Robert ba Naunil Media hafoin nia simu vasina iha sentru saúde Comoro, segunda feira (10/05).
Nia hatutan, ha’u hatene katak liu husi vasina ne’e bele proteje ha’u nia aan no bele proteje ha’u nia komunidade importante duni atu simu vasina, tanba liu husi vasina bele asegura komunidade nia pesperiodade komunidade nia moris no ha’u enkoraja ema hotu hotu atu simu vasina, Dehan Embaizadór.
Nia informa, Autrália iha komitmentu atu servisu hamutuk hoTimor-Leste kontinua oferese vasina AstraZeneca mai TL, tanba importante duni atu kobre ba populasaun sira hotu. Ivo