FEATUREDGeralIkus LiuNews

Makina Bomba Bee-Moos 25 iha Kapital Díli Normaliza, Hafoin Inudasaun

Fahe Tutan

Naunil Media (Díli), Relasiona ho impaktu udan bo’ot iha loron 4 fulan Abril tinan 2021, hodi  estraga makina bee-moos iha kapital Díli, tanba ne’e Prezidente Bee-Moos Timor-Leste, Empreza  Públika (BMTL,E.P) Carlos dos Reis,  Informa makina bomba be’e moos 26 mak avaria iha kapital Díli, dadaun ne’e 25 normaliza, hela 1 iha Camea mak sei prosesu hadia.


“Akontese inundasaun iha loron 4 fulan Abril tinan 2021 hodi  estraga hotu makina bomba bee-moos hmutuk 26 mak aat no ninia sistema 6 mós aat hotu, maibé iha semana rua nia laran konsegue normaliza 25 makina bomba bee-moos, hela ida iha Camea mak sei prosesu hadia”, Informa Prezidenti  Bee Timor-Leste, Empreza Públika (BTL,E.P) Carlos dos Reis ba jornalista sira iha salaun Novu Turizmu, segunda feira (10/05).


Nia hatutan, sistema akaptasaun bee-moos neen (6) ne’ebé mak aat , 4 mak normaliza ona 2,  iha Tohu-Meta ne’ebé mak fornese bee ba área Manleuana, Surik Mas, Bairru Pite, Kakaulidu, to’o iha Palapasu mak seidauk hetan bee-moos.


“Ami nia ekipa dadaun ne’e servisu hela iha ne’eba, espera iha semana ne’e ita bele normaliza ona bee iha Tohu-Metan, signifika bee bele tama ona, dadaun ne’e iha  rezerva iha Manleuana hodi  bele fornese hela bee-moos ba komunidade sira”, Tenik nia.

Nia haktuir, sistema ki’ik sira ne’ebé mak rekupera ona, ema ne’ebé mak uza ne’e hituan no ladun barak, nune’e mak iha fatin barak ema sei hakilar ba bee-moos, tanba sistema akaptasaun bee-moos iha Tohu-Meta ne’e sei iha prosesu hadia hela.

Nia hateten, normalizasaun ba bee- moos ne’e 30% mak hotu ona, maibe ema asesu ba 30%, 20% ne’ebé mak sei iha hela rekonstrusaun ne’e mak ema asesu barak liu, tanba ema besik 60% mak asesu ba bee-moos husi Tohu-Meta, no sistema akaptasaun bee-moos mak iha Tohu-Meta ne’e.


Ikus liu, nia dehan semana ida ka rua  bele normaliza ona, maibé atu halo di’ak ba oin ne’e, presiza to’o fulan 6, tanba kanu ne’ebé mak iha mota laran sei buka dalan seluk atu mota tun karik la bele kona tan, solusaun temporaria ne’e semana 1 ka 2, maibé solusaun permanente ne’e presiza tempu, Nia hakotu lia. Ipe

Leave a Reply

Your email address will not be published. Required fields are marked *