FEATUREDIkus LiuNewsPolitika

Deskonfia Grupu Balun Lansa Lia-Falsu Atu-Povu TL Lakon-Konfiansa Ba VIII Governu

Fahe Tutan

 Naunil Media (Díli), Sekretáriu Estadu Komunikasaun Sosiál (SEKOMS) Merício Juvinal dos Reis ‘Akara’ informa, deskomfia iha grupu balun promove informasaun falsu hodi manipula públiku atu povu Timor-Leste lafiar ba VIII Governu.

Kestaun ne’e hato’o husi Sekretáriu Estadu Komunikasaun Sosiál Merício Juvinal dos Reis ‘Akara’ ba jornalista hafoin  sorumutu ho Primeiru Ministru (PM) Taur Matan Ruak iha rezidensia xefe governu, Farol, tersa (11/05).

“Ha’u halo analiza ba pontu situasaun ne’ebé dadaun ne’e la’o katak iha fenomena ida ne’ebé iha grupu balun,  promove hela deziformasaun iha ita-nia rain hodi manipula públiku ninia konsiensia opiniaun tuir interese politiku balun, hodi halo tauk sidadaun sira. Ho lansa lia falsu nune’e ema labele fiar ba governu”, Hateten Sekretáriu Estadu Komunikasaun Sosial Merício juvinal dos Reis ‘Akara’.

Nia hatutan, ida seluk mak informasaun falsu ne’ebé mak durante ne’e individu balun kria sira utiliza informasaun loos. maibé lansa tun sa’e hodi halo kanek de’it ema seluk nia sentimentu.

“Hanesan ema balun nian pronunsia sala, nune’e mós video segredu balun, sira foti ida ne’e sai hanesan frakeza ida hodi lansa tun sa’e iha publiku”, Akara akresenta.

Nune’e mós SEKOMS informa ba Primeiru Ministru, SEKOMS hahu ona halo edukasaun sivika no kampaña nasionál kombate informasaun falsu (hoax), no promove literasia digital liu husi tama sai eskola sira, hanesan universidade sira no mós ba munisípiu sira, nune’e prepara sidadaun sira  bele uza meus dijital sira, no iha kapasidade atu kritika hodi hatur informasaun ne’ebé los no lalos.

Nia haktuir, segundu mak presiza lei kona ba kombate hoax nia, hanesan iha nasaun Singapura sira iha lei artigu hamutuk 10 resin hanesan ne’e, Nia hakotu. *Jos

Leave a Reply

Your email address will not be published. Required fields are marked *