Deklarasaun P.CNE, Eleisaun Seidauk Preparadu, Akademista UNTL Camilo, Tenke-Haree ba-K.RDTL
Naunil Media (Díli, Prezidenti komisaun nasionál eleisaun (CNE sigla portugés) Alcino de Araújo Barris nia deklarasaun katak preparasaun ba eleisaun prezidensial 2022 labele lao tanba Covid-19, akademista dekanu fakuldade siénsias sosiais, universidade nasionál Timor Lorosa’e (FCS-UNTL sigla portugés) Camilo Ximenes Almeida, konsidera koalia tenke haree ba konstituisaun Repúblika Demokrátika Timor-Leste (K.RDTL).
“Laiha fundamentu wainhira Presidenti komisaun nasionál eleisaun (CNE), mak deklara katak karik eleisaun ba prezidenti iha tinan 2022 labele hala’o ho razaun Covid-19, tanba ita leno an iha konstituisaun repúblika demokrátika Timor-Leste, konstituisaun rasik la permite atu orgaun soberanu hanesan Prezidenti Repúblika (PR), no Parlamentu nasionál (PN), bele estende mandatu durante períodu balun”, Hateten Dekanu Fakuldade Siénsias Sosiais, Universidade Nasionál Timor Lorosa’e (FCS-UNTL), Camilo Ximenes Almeida ba Naunil Media via whatsapp, kuarta feira (12/05).
“Nune’e antes koalia prezisa hatene halo análiza klean hodi labele prejudika imajen nasaun nian tanba laos mesak de’it iha mundo ne’e, maibé Timor-Leste mós relasaun barak ho nasaun seluk”, Tenik nia.
Nia hatutan, Tuir ha’u nia perspektiva saída mak prezidenti CNE dehan apenas difikuldade ne’ebé mak nasaun enfrenta tanba situasaun pandemia Covid-19, situasaun ida ne’e laos mosu de’it iha Timor-Leste, maibé mós Nasaun hotu iha Mundo.
“Nune relativamente ho atividades CNE nian ligasaun ho edukasaun sivika no edukasaun votantes karik durante Covid-19 ne’e kansela nuudar ema ne’ebé mak iha responsabilidade ba instituisaun prezisa buka alternativa oinsa mak bele resolve problema ne’e, prezisa mós relata ba PR nuudar orgaun máxima iha nasaun ne’e atu bele intende di’ak kona-bá situasaun ne’ebé CNE enfrenta”, Hateten Nia.
Nia parte rekomenda, iha parte seluk CNE mós bele relata ba Primeiru Ministru nuudar xefe ezekutivu atu haree, tanba instituisaun independente sira hanesan CNE prezisa hatudu imparsialidade hodi bele asegura instituisaun ne’e nia lalaok.
Antes ne’e prezidenti CNE Alcino de Araújo Barris deklara ba jornalista sira hafoin tuir teste swab iha salaun CNE, Colmera, Díli, segunda (10/05), notisia ne’e públika sai iha media online Tatoli.İp.
Konstituisaun Repúblika Demokrátika de Timor-Leste (K.RDTL), hatur ona artigu 76, hodi koalia kona-bá eleisaun, no mós artigu 75 koalia kona-bá elejibilidade. Lop
