Governu Mantein Tan SS iha Díli, Baucau, Covalima ba Loron-14
Naunil media (Dili), Prezidenti Konsellu Ministru Fideliz Manuel Leite Magalhães , Informa governu da ualu konstituisional ohin Konsellu Ministru aprova tan rezolusun governu ne’ebé mantein impozisaun serka sanitária iha Munisípiu Díli, Baucau, no Covalima ba loron 14.
“Konsellu Ministrus aprova ona projetu sira Rezolusaun Governu nian ne’ebé mantein impozisaun serka sanitária iha Munisípiu Díli, Baucau, Covalima ba loron sanulu resin haat tan”, Informa porta voz governu Fideliz Manuel Leite Magalhães liu husi komunikadu impresa hafoin reuniaun konsellu ministru iha Ministeiru Finansas, kuarta feira (12/05).
Membru governu ne’e hatutan, Konsellu Ministru deside ona la renova impozisaun serka sanitária, ne’ebé sei vigora to’o loron 16 fulan-Maiu, iha munisípiu sira Ainaru, Ermera, Lautem, Liquiçá, Manufahi no Viqueque.Ipe
