Programa Estajiu Nasionál Benefisia Timor-oan 25 %
Naunil Media (Dili), Sekretariu Estadu Formasaun Profisionál Empregu (SEFOPE), Alarico do Rosario Informa, Programa estajiu profisionál ne’ebé tinan-tinan SEFOPE realiza benefsia ona Timor-oan 25%.
“SEFOPE tinan-tinan liu husi programa estajiu nasionál, programa ida ne’e kuaze Timor-oan 25 % maka sai benefisiariu ba programa ne’e”, Dehan SEFOPE, Alarico Do Rosrio ba jornalista sira iha, salaun SEFOPE Caicoli,(12/005).
Nia Esplika,, Programa ida ne’e SEFOPE rasik maka responsabliza mazimu oinsá maka kapasita joven ka estudante sira ne’ebé maka remata universidade ladauk hetan servisu.
“Ha’u hanoin programa ne’e loke aberta ba joven sira atu tau naran, depois parte SEFOPE maka sei lori sira ba iha kada institusaun ho fatin industria nian no parte tékniku nian, kuandu sira remata,” Dehan nia
Iha fatin hanesan Diretór Jerál Empregu Paulo Alves hateten, programa estajiu profisionál ne’e rasik nudar politika SEFOPE nian atu tulun joven sira dada merkadu traballu besik liu joven sira.
“Tanba ita hatene katak, programa estajiu nasionál ne’e iha área barak ne’ebé maka joven sira bele aprende liu liu lori sira ba aprende iha sentru formasaun sira.
Hau fiar programa ida ne’e bele fó oportundade ba joven sira aprende, Tanba liu husi programa ne’e rezultadu hatudu katak joven sira konsege aprende ho diak agora servisu ona iha institusaun estadu nian. Pau/Rit
