SEFOPE-UNDP, Asina Akordu Apoiu Estajiu Profesionál Ba Juventude
Naunil Média (Díli), Sekretariu Estadu Formsaun Profisionál Empregu (SEFOPE-sigla portuges), Asina akordu ho kooperasaun United Natión Developmet Programa (UNDP-sigla english), hodi apoiu Juventude sira liu husi kapasitasaun oinsá bele hetan rasik osan iha programa estajiu nasionál.
“Ohin seremonia ida ne’e UNDP apoiu SEFOPE liu husi programa estajiu nasionál hodi tulun ita nia foin sae sira ne’ebé maka hetan graduasaun iha universidade liu husi programa, sira bele halo estajiu para bele hetan esperensia ba futuru”,dehan Sekretáriu estadu Sefope Alarico Do Rosario ba Jornalista sira iha salaun SEFOPE Caicoli,Kuarta, (12/05) .
Nia dehan, programa ida ne’e rasik ba da-huluk benefisia ba juventude hamutuk nain 80.
“Programa ida ne’e sei fó prioridade ba iha área kapasitasaun ba joven sira iha área oinsá halo negosiu kiik, industrias, no area sira seluk,” Tenik SEFOPE Alarico do Rosario.
Nia Esplika, Ita nian joven sira ne’ebé hakarak tuir programa estajiu nasionál ne’e sira rasik maka mai tau naran iha SEFOPE nune’e ami maka sei lori sira ba halo estajiu iha institusaun relevante ne’ebé sira hakarak.
Alarico Husu ba joven sira atu aproveita programa estajiu nasionál ne’e, tanba iha área barak maka interesadu atu aprende oinsá nune’e bele hetan osan rasik.
Iha fatin hanesan reprezentante rezidente UNDP iha Timor-Leste, Munkhtuya Altangerel hateten, UNPD asina akordu ho SEFOPE hodi apoia fundu liu husi programa estajiu nasionál, Atu kapasita joven ne’ebé seidauk iha servisu bele kria merkadu traballu ba sira nian an.
“Ami nian programa ho SEFOPE ne’e foin maka atu hahú ami fiar sei fó benefisu ba foin sa’e timor-aon sira, tamba UNDP iha esperensia katak, antes ne’e UNDP tulun ona joven timor oan balu liu husi asistensia apoiu fundu hodi kapasita sira iha vida imprendodismu no ba programa ida ne’e rasik susesu. Dehan Rezidente UNDP
Nia Haktuir, Ami nia susesesu bo’ot antes ne’e apoiu joven sira halo negosiu no dadaun ne’e sira susesu, ida ne’e maka ami nian susesu ida”,
Ikus liu nia hateten, UNDP komprometidu sei kontinua apiu SEFOPE iha futuru, liu husi programa estajiu nasionál. Hodi bele kapsita joven sira, Ne’ebé remata universiade maibé ladauk hetan servisu.
Osan ne’ebe UNDP apoiu liu husi programa nee maka, Rihun ne’en (6.000) Pau/Rit
