Lere: Rekrutamentu Membru F-FDTL 600 Hahu Fulan Agostu
Naunil Média (Dili), Xefe Estadu Maijor Jeneral F-FDTL tetente Jeneral Maior Lere Anan Timur Informa, Rekrutamentu ba membru Falintil-Forsas Defeza de Timor-Leste (F-FDTL) hamutuk 600 sei realiza iha Fulan Agostu tinan ida ne’e.
Xefe Estadu Major Jeneral F-FDTL tenente Jeneral Maior Lere Anan Timur hato’o lia hirak ne’e, ba jornalista sira, hafoin hasoru malu ho Prezidente Repúblika Francisco Guterres Lú Olo, iha rezidensia PR Faról (12/05)
“Ohin hasoru malu ho PR konaba atividadade koalia konaba rekrutamentu F-FDTL ne’ebé sei realiza fulan agustu tinan ida ne’e kalae” Maibe ohin Koalia ona ho Ministru Defeza (MD), katak tinan ida ne’e sei hala’o rekrutamentu ba membru F-FDTL hamutuk 600 maske iha problema no difikuldade oituan konaba kondisaun atu hala’o, Rekrutamentu preve iha dia (9/8) katak nia.
Lere Haktuir, antes Agostu iha kondisaun zemplu ida mak fardamentu ne’ebé mak halo kontratu ho Indonézia, segundu konaba infrastrutura ne’ebé mak iha Metinaro, Maibé ida ne’e ladun urjente tanba iha minimu kondisaun bele akolla 600 iha ne’ebá.
“Kestaun mak fardamentu ne’e deit, Fardamentu to’o mak bele halo rekrutamentu ba militar laos hanesan uluk iha ai laran ne’e mak balun uza kalsa koboy no balun ho kalsa badak balun ho kamiza mutin depois lori kilat, ne’e militar professional ekipamentu mós tenke”
Lere esplika ida seluk konaba prosesu rekrutamentu selesaun dokumentus ne’ebé mak agora hala’o dadaun hhotu ona depois tuir mai divulga sira ne’ebé mak selesaun liu husi dokumentus, depois tuir mai ita sei halo konvokatoriu ba inspeksaun ka ita sei haree saúde no mós psikolozia buat sira ne’e hotu kuandu ida ne’e ultimo faze ita haruka bolu inkorporasaun 600.
“Hau preokupa rekrutamentu ne’e tanba hare ba forsa agora, Iha 2020 planu estrateziku dehan tenke atinzi efetivu autorizadu 600, Maibe ate agora seidauk”Tenik nia.
Lere garantidu ona maibé hotu-hotu desizaun politiku, Maibe politiku dehan katak la halo rekrutamentu, sira tenke esplika tanba saida mak intronpe fali rekrutamentu ba fulan agustu ne’e, tenke esplika.*Jos
