Mari Konsidera Povu Lakon Fi’ar Ba Covid-19, Tanba Kazu Vera Cruz
Naunil Media (Dili) sekretariu Jerál Partidu FRETILIN, Mari Bim Amudi Alkatiri konsidera ema ne’ebé loke dalan iha ospital vera Cruz, mak hamis sidadaun sira nia fi’ar ba protokolu Covid-19 tanba ne’e tenke responsabiliza ba ema hirak ne’ebé mate ho Covid-19.
Eiz Primeiru Ministru Mari Alakatiri deklara asuntu ne’e liu husi nia Pajina Facebook, ” Mari Alkatiri”, iha kinta, loron 13 fulan maiu tinan 2021, maisoumenuz tuku 20 kalan otl, Relasiona ho pasiente nain-3 inklui kantor timoroan Juga Gama, ne’ebé ohin hakotu iis iha Vera Cruz ho Covid-19.
“To’o ona tempu atu responsabiliza sira ne’ebé Ioke dalan iha fatin oi-oin, hahu husi Vera Cruz rasik, ba povu lakon fi’ar ba sistema kombate COVlD-19 ” dekalara Mari Alkatiri.
Iha deklarasaun ne’e lider nasional ne’e deklara dadaun prisaun Becora ne’ebé kantor timoroan Juga Gama durante ne’e hela ba komesa ameasa hosi Covid-19.
“Identifika ona mos kazu infetadu barak tebes iha komarka Bekora. Ho ida ne’e, husu ba CIGC atu defini didiak regras ba proteje sira ne’ebé hela iha Komarka hotu hotu,” nia hatutan.
“Rua fali bainhira deteta sira infetadu ho COVlD-19, sira la aseita no rejeita atu ba izolamentu. Ida fila ba nia uma iha Caicoli, ida seluk ba Liquisa. Rua ne’e hotu husik ona mundu ida ne‘e. Maibé sira husik hela virus iha sira nia uma, ho sira ida-idak nia familia no viziñus”,nia dehan.
Iha biban ne’e lider nasional ne’e husu ba Sentru Integradu Jestaun krise (CIGC), tenki koordena ho forsa seguransa no defesa no autoridade komunitaria atu impoem serka apertadu iha sira ida-idak nia Bairu, Suku ka Aldeia.
Tuir dadus dadaun ne’e Timor- Leste rejista kazu pozitivu Covid-19 total ativu 1815, rekpera ohin 162, Mate hamutuk konta husi fulan Marsu to maiu nain-5. *DMS
